NASA 120 işıq ili uzaqlıqda yerləşən planetdə həyat işartısı aşkar edib.
Ednews BBC-yə istinadən xəbər verir ki, Amerika Aeronavtika və Kosmik Tədqiqatlar İdarəsinin (NASA) Ceyms Uebb Kosmik Teleskopu uzaq planetdə həyat əlamətləri ilə bağlı təsdiqlənməmiş məlumatlar əldə edib.
Mütəxəssislər teleskopun planetdə dimetil sulfid (DMS) adlı bir molekulu təsbit etmiş ola biləcəyini və bu molekulun, ən azı, Yer kürəsində yalnız canlılar tərəfindən istehsal olunduğunu söyləyirlər.
Bununla belə, tədqiqatçılar 120 işıq ili uzaqlıqdakı planetin aşkarlanmasının “kifayət qədər güclü olmadığını” və molekulun varlığını təsdiqləmək üçün daha çox məlumatın lazım olduğunu vurğulayırlar.
Tədqiqatçılar həmçinin planetin atmosferində metan qazı və karbon qazı (CO2) aşkar ediblər.
Qeyd edək ki, bu qazların aşkarlanması K2-18b planetinin su okeanına malik olması demək ola bilər.
Əkbər Novruz
