İlon Maskın şirkəti may ayında klinik sınaqlar keçirmək üçün icazə alıb və N1 beyin çipini sınaqdan keçirmək üçün könüllülər axtaran şirkətə minlərlə insan müraciət edib.
Ednews cumhuriyyet nəşrinə istinadən xəbər verir ki, İlon Maskın Neuralink şirkəti iflic olan insanlar üçün hazırladığı beyin çipini insanlar üzərində sınaqdan keçirməyə hazırlaşır.
Şirkət ötən ilin sentyabrında könüllülərin axtarışına başlayıb. Beyin çipi insanın beyin fəaliyyətini oxuyub təhlil edəcək və bu məlumatları simsiz olaraq yaxınlıqdakı noutbuk və ya planşetə ötürəcək.
Sınaqların onurğa iliyi zədəsi səbəbiylə 4 üzvü iflic olan 40 yaşdan aşağı şəxslər üzərində aparılacağı bildirilir. Çip beynin bədən hərəkətlərini idarə edən premotor korteks adlanan bölgəsinə yerləşdiriləcək. Beləliklə, N1 çipinin insan sağlamlığı və həyatı üçün təhlükəsiz şəkildə beyin fəaliyyəti haqqında məlumat toplaya bilib-bilməyəcəyi yoxlanılacaq.
Xəyal Ramiz