Ötən həftə İsrail və Həmas arasında atəşkəs elan olunub. Sözləşməyə görə hər iki tərəf arasında girovların dəyişdirilməsi prosesi baş tutub.

Əsirlərin dəyişdirilməsi zamanı Həmas qüvvəli tərəfində olan israilli girovun yazdığı məktub dünya mediasının gündəminə düşüb. Belə ki, o, azad edilməzdən əvvəl Al- Kassam qruplarına məktub yazıb.
Ednews Ərəb mediasına istinadən məktubu sizə təqdim edir : 

“Son həftələrdə məni müşayət edən generallara burada olduğum müddətdə qızım Emiliyaya qarşı göstərdiyiniz nəvazişə görə sizə ürəkdən təşəkkür edirəm, siz ona valideyn kimi oldunuz. Qızım mənə deyir ki, siz onun dostları idiniz, yalnız dost yox, əsl doğma olmusuz. Ona qarşı  göstərdiyiniz səbr, təqdim etdiyiniz şirniyyatlara, meyvələrə və hər şeyə görə sizə təşəkkür edirəm.
Emiliya özünü Qəzzada kraliça kimi hiss edib. Burada olduğumuz müddətdə bizə qarşı xeyirxahlıq, şəfqət və sevgi ilə yanaşmayan olmadı. Qəzzada yaşadığınız çətin vəziyyət və verdiyiniz  ağır itkilərə baxmayaraq, bizə göstərdiyiniz xoş münasibəti ömrümün sonuna qədər  xatırlayacam, nə yaxşı ki, bu dünya da sizin kimi xoş insanlarla dost olmaq bizə qismət oldu.
Sizə, övladlarınıza və ailənizə can sağlığı arzulayıram.
Çox sağ olun!”

Loğman Yunis