Neuralink-in gələn il insanlar üzərində sınaqlarına başlayacağı gözlənilir və təcrübələr öncəsi şirkət investisiyaları artırmağa davam edir. 

Ednews zdf.de nəşrinə istinadən xəbər verir ki, on illərin ən mübahisəli adlarından biri olan Elon Musk, insanların Neuralink ilə birlikdə birbaşa beyinlərinə bağlayacaqları cihaz vasitəsilə internetə daxil olmalarını təmin etməyi hədəfləyir. Beləliklə, layihə üçün ümumilikdə 320 milyon dollardan çox vəsait toplanıb. 

Beləliklə, şirkətin ümumi investisiyası 323 milyon dollara çatıb. Əvvəllər bəzi konqres üzvləri Neuralink tərəfindən alınan investisiyalar haqqında ətraflı məlumat tələb edirdilər. Neuralink insanların beyninə çip yerləşdirərək beyin fəaliyyətini müşahidə etmək məqsədi daşıyan cihaz hazırlayır. Keçən il FDA tərəfindən verilən icazədən sonra cihazın insanlar üzərində sınaqlarına başlamaq üçün geri sayım davam edir. İlk klinik sınaqlar 11 nəfərlə aparılmalı olsa da, bu 11 nəfər arasında olmaq üçün minlərlə insan müraciət edib. 

Neuralink-in son klinik araşdırmalarında 12 meymunun beyninə çip yerləşdirmə prosesi zamanı yaranan fəsadlar və araşdırma ilə bağlı problemlər səbəbilə yatmaq məcburiyyətində qaldığı iddia edilib. Bu mövzuda müzakirələr bitməmiş investisiya turuna çıxan Neuralink hələ də böyük sərmayə yığmağı bacarıb. Mask əvvəlki açıqlamasında meymunların şirkətin işinə görə ölmədiyini müdafiə edib. Mask sağlam meymunları riskə atmamaq üçün artıq ölümə yaxın olan meymunları seçdiklərini bildirib.

Xəyal Ramiz