"Bu gün Hindistanın G20-yə sədrlik etməsindən 365 gün keçir. G20 sədrliyini öz üzərinə götürən Hindistan dünyaya status-kvoya alternativ, ÜDM mərkəzli tərəqqidən insan mərkəzli tərəqqiyə keçid təklif etməyə çalışdı. Hindistan bizi ayıran deyil, bizi birləşdirən məqamları dünyaya xatırlatmağı hədəflədi. Nəhayət, qlobal müzakirə başlamalı idi - azlığın maraqları öz yerini çoxluğun istəklərinə buraxmalı idi. Bu, bildiyimiz kimi çoxtərəfliliyin əsaslı islahatını tələb edirdi".

Ednews xəbər verir ki, bu sözləri Hindistan Baş naziri Narendra Modi öz çıxışı zamanı söyləyib.

"İnklüziv, iddialı, fəaliyyət yönümlü və qətiyyətli – bu dörd söz bizim G20 prezidenti kimi yanaşmamızı müəyyənləşdirdi və bütün G20 üzvləri tərəfindən yekdilliklə qəbul edilmiş Nyu Dehli Liderlərinin Bəyannaməsi (NDLD) bu prinsipləri yerinə yetirməklə bağlı öhdəliyimizin sübutudur.

İnkluzivlik prinsipinə əsasən Hindistan sədrliyi çərçivəsində Afrika İttifaqının (55 ölkə) G20 forumuna birləşdirdi. Bu fəal mövqe qlobal problemlər və imkanlar üzrə daha əhatəli dialoqa təkan verib. Hindistanın G20-yə daxili yanaşmasına da təsir edərək onu dünyanın ən böyük demokratiyasına yaraşan Xalq Prezidentliyinə çevirdi. 2030 Gündəliyinin kritik anında, Hindistan, Dayanıqlı İnkişaf Məqsədləri (SDGs) üzrə tərəqqini sürətləndirmək üçün G20 2023 Fəaliyyət Planını təqdim edərək, səhiyyə, təhsil, gender bərabərliyi, ekoloji dayanıqlılıq və digər məsələlər də daxil olmaqla bir-biri ilə əlaqəli olan məsələlərə fəaliyyət yönümlü yanaşma nümayiş etdirdi. 
Qürurverici haldır ki, bizim sədrliyimiz dövründə G20, 87 nəticəyə nail olub və 118 sənəd qəbul edib ki, bu da keçmişə nəzərən nəzərəçarpacaq yüksəlişdir.

G20-yə sədrliyi zamanı, Hindistan geosiyasi məsələlər və onların iqtisadi artım və inkişafa təsiri ilə bağlı müzakirələrə rəhbərlik etmişdir. Terrorizm və dinc əhalinin mənasız şəkildə öldürülməsi qəbuledilməzdir və biz buna sıfır dözümlülük siyasəti ilə yanaşmalıyıq. Biz düşmənçilik üzərində humanistliyi təcəssüm etdirməli və bir daha qeyd etməliyik ki, indi müharibə dövrü deyil.
Mən çox şadam ki, Hindistan sədrliyi dövründə fövqəladə nailiyyətlər əldə etdi: o, çoxtərəfliliyi canlandırdı, Qlobal Cənubun səsini gücləndirdi, inkişafı dəstəklədi və hər yerdə qadınların səlahiyyətlərinin artırılması üçün mübarizə apardı.

Biz G20-yə sədrliyi Braziliyaya təhvil verərkən, insanlar, planet, sülh və firavanlıq üçün atdığımız kollektiv addımların gələcək illər üçün rezonans doğuracağına əminlik duyuruq".

Əkbər Novruz