Bildirilib ki, Türkiyə və İraq nümayəndə heyətləri İraq və regionun inkişafına töhfə verəcəyi düşünülən İnkişaf Yolu Layihəsinin ən qısa zamanda həyata keçirilməsi üçün atılacaq addımlar barədə məsləhətləşiblər.

Ednews anadolu-a agentliyinə istinadən xəbər verir ki, Xarici işlər naziri Hakan Fidan və İraqın xarici işlər naziri Fuad Hüseyn ilə iki ölkənin yüksək səviyyəli hərbi və təhlükəsizlik rəsmilərinin Ankarada keçirdiyi görüşlərdən sonra birgə yekun bəyanat dərc edilib.

Bəyanatda hər iki ölkənin nümayəndə heyətlərinin ikitərəfli və regional məsələlər, xüsusilə də terrorizmlə mübarizə, təhlükəsizlik və su hövzələri ilə bağlı hərtərəfli məsləhətləşmələr apardıqları vurğulanıb və əlavə edilib: “Bu görüşlər nəticəsində tərəflər iki ölkə arasında əlaqələrin daha da inkişaf etdirilməsi barədə razılığa gəliblər..

İraqın “siyasi birliyi, suverenliyi və ərazi bütövlüyünə qarşılıqlı əhəmiyyət verildiyini” təsdiqləyən bəyannamədə “Tərəflər iki ölkə arasında təhlükəsizlik sahəsində əməkdaşlıq çərçivəsində PKK-nın yaratdığı təhdidləri də müzakirə ediblər”. 

Xəyal Ramiz