Uqanda milli mətbuatında yer alan xəbərə görə, Uqanda Hesablama Məhkəməsinin sədri Con Muvanqa parlamentə verdiyi hesabatda Dünya Bankının krediti ilə alınan milyonlarla doza Covid-19 peyvəndinin istifadə müddətinin bitdiyini bildirib.
Ednews ntv.com-a istinadən xəbər verir ki, Muvanqa, müddəti bitmiş peyvəndin 5,6 milyon dozasının dəyərinin 7,3 milyon dollar olduğunu ifadə etdi.
Vurğulanıb ki, müddəti bitən peyvəndlər səbəbindən ilin sonuna qədər ümumilikdə 78 milyon dollar itki gözlənilir.
Bildirilib ki, istifadə olunmamış QİÇS/İİV dərmanlarının müalicə üsulunun dəyişdirilməsi səbəbindən istifadə müddəti başa çatıb və onların dəyəri 8,6 milyon dollar təşkil edib.
Afrikada peyvənd kampaniyası bir çox ölkədə vaksinlərə marağın az olması və nəqliyyatın çətinliyi səbəbindən uğurlu alınmadı.
Xəyal Ramiz