NASA astronomları qalaktikamızın xaricindən gələn və izah edə bilməyəcəkləri gözlənilməz siqnal aşkar ediblər.
Ednews sozcu.com nəşrinə istinadən xəbər verir ki, elm adamları Fermi Qamma-Şüaları Kosmik Teleskopunun 13 illik məlumatlarını təhlil edərkən sirli siqnalı gördülər. NASA-nın Goddard Kosmik Uçuş Mərkəzindən Frensis Reddi yazıb ki, bu, qalaktikamızdan kənarda gözlənilməz və hələ də açıqlana bilməyən bir hadisədir.
Güclü teleskop qamma şüalarını, gözümüzün görə biləcəyindən yüz milyardlarla dəfə böyük olan enerjili işıq partlayışlarını aşkar edə bilir. Bunlar adətən ulduzlar partladıqda və ya nüvə partlayışı baş verdikdə əmələ gəlir. Alimlər tamamilə başqa bir şey axtararkən fərqli bir siqnalla qarşılaşdılar.
Tədqiqatçılar indiyə qədər aşkar etdikləri ən enerjili kosmik hissəciklərdən bəzilərini ehtiva edən izah olunmayan siqnal aşkar ediblər.
Bu kəşfin 2017-ci ildə Argentinadakı Pierre Auger Rəsədxanası tərəfindən müşahidə edilən kosmik qamma şüası xüsusiyyəti ilə əlaqəli ola biləcəyi güman edilir.
Xəyal Ramiz
