İnkişaf etmiş iqtisadiyyatlar sırasında olan Böyük Britaniya və Yaponiyanın tənəzzülə uğraması, Almaniya və Avro Bölgəsinin tənəzzülə uğraması qlobal iqtisadiyyatda tənəzzül narahatlığını artırır.
Ednews.net sozcu.com-a istinadən xəbər verir ki, ölkədə ən az 6 ay iqtisadi fəaliyyətlərin azalması və real ÜDM-in azalması mənasını verən tənəzzül, iqtisadi fəaliyyətdə fasilə, milli gəlirin azalması, işsizliyin artması kimi bir çox mənfi təsirlərə səbəb olur.
İqtisadiyyatlar tənəzzülə girmək üçün iki rüb ardıcıl olaraq ÜDM-də azalma yaşamalı olsa da, tənəzzül əlamətlərinə sənaye istehsalının, pərakəndə satışların, investisiyaların azalması və işsizlik nisbətinin artması daxildir.
Ölkələrin sərt pul və fiskal siyasətləri, xarici tələbatın azalması, əmtəə qiymətlərinin artması, iqtisadi qeyri-müəyyənliklər və ciddi təbii fəlakətlər tənəzzülə səbəb ola bilər. Tənəzzül mühiti gəlirləri azaldır, yoxsulluğu və bərabərsizliyi artırır, şirkətlərin bağlanması və iqtisadi inkişafın ləngiməsi ilə nəticələnir.
Xəyal Ramiz