Məşhur milyarder İlon Maskın şirkəti SpaceX, "dizayn qüsuru" səbəbilə kosmosda Starlink sisteminə qoşulmuş 100 peyki yerə atmağa hazırlaşır.
Ednews SpaceX- in verdiyi açıqlamaya istinadən xəbər verir ki, şirkət dizaynındakı qüsura görə 100 Starlink peykini yer orbitində məhv etməyə hazırlaşır .
SpaceX tərəfindən edilən açıqlamada: "Bu peyklər hazırda tam manevr edə bilir və istifadəçilərə heç bir problem olmadan xidmət göstərir. Bununla belə, Starlink texniki qrupu bu kiçik peyk klasterində gələcək uğursuzluq ehtimalını artıra biləcək ümumi bir problem müəyyən etdi".
Peyklərdəki “ümumi problemin” nə olduğu açıqlanmasa da, peyklərin necə məhv ediləcəyi təfərrüatı ilə məlumdur.
Peyklər yerin orbitindən yerə atılacaq və beləliklə problemli peyklər düşdükcə yer atmosferində yanaraq kül olacaqlar.
Lakin bu qərar alimlərinin narahatlığına səbəb olub. Çünki atmosferdə yanan peyklər ozon təbəqəsini zədələyir və qlobal istiləşməni artırır.
Purdue Universitetindən atmosfer alimi Dan Cziczo'ya görə , əsl məsələ "peyklər yandıqdan sonra atmosferdə qalan metal hissəciklərin atmosferin uçuculaşması nəticəsində ozon təbəqəsinin məhvini artıra bilməsi " ehtimalıdır .
Peyklərdəki alüminium atmosferdəki qazları zərərli edir və ozon təbəqəsinin tükənməsinə səbəb olur.
Starlink dünya üzrə 5 min 438 peykin əməkdaşlığı ilə işləyir. Problemli peyklərdən 100-ü 6 ay ərzində vurulacaq.
Xəyal Ramiz