Cənubi Koreyada bir çox tibb professoru, tibb fakültəsi kvotalarını artırmaq qərarına etiraz edən intern həkimlərlə həmrəy olaraq, hökumətin bir həll tapmasını təmin etmək üçün 25 Mart tarixindən etibarən istefalarını təqdim etməyə qərar verdi.

Ednews Yonhap-a istinadənxəbər verir ki, 20 universitetdən professorların qatıldığı onlayn toplantıda alınan qərarla professorlar martın 25-dən etibarən çalışdıqları universitetlərdən istefa verəcəklərini açıqlayıblar. Bununla belə, professorlar xəstəxanalarda xəstələrə baxmağa davam edəcəklərini bildiriblər. Qərar Səhiyyə və Rifah Nazirliyinin kənd yerlərində və mühüm tibb sahələrində səhiyyə xidmətlərinin qeyri-kafi olması səbəbindən tibb fakültələrinin kvotalarını 2 min nəfər artırmaq qərarına reaksiya olaraq ortaya çıxdı .

Paytaxt Seul və digər şəhərlərdə hökumətin kvota artırma planına qarşı təşkil edilən etirazlar minlərlə kursant həkimin istefasına səbəb oldu . Hökumət bu istefaların ictimai sağlamlığa potensial təsirini əsas gətirərək ictimai sağlamlıq riski səviyyəsini yüksəltdi.

Cənubi Koreyada tibb ictimaiyyətində baş verən bu hadisələr hökumətin kvota artırma siyasətinə qarşı müqavimət əlaməti hesab olunur.

Xəyal Ramiz