Vyetnamın ən zəngin adlarından biri olan Truong My Lan aylardır davam edən məhkəmədə ölümə məhkum edilib.
Ednews sozcu.com-a istinadən xəbər verir ki, Vyetnamda iş adamı Truonq My Lan 11 il ərzində ölkənin ən böyük banklarından birini talamaqda təqsirli bilinərək ölüm cəzasına məhkum edilib.
Bu gün Ho Chi Minh Citydə keçirilən dinləmədə dünyanın indiyə qədər gördüyü ən böyük bank fırıldaqçılığı işlərindən birinə qərar verilib.
67 yaşlı Truong My Lan Saigon Commercial Bank-dan 44 milyard dollar məbləğində kredit götürməkdə ittiham olunurdu. İttihamları rədd edən Truong My Lan da daxil olmaqla 85 müttəhim mühakimə olundu.
Səlahiyyətlilər iş çərçivəsində 2700 nəfərin ifadə verməyə çağırıldığını, 10 dövlət ittihamçısı və 200-ə yaxın vəkilin iş üzərində çalışdığını bildirib. Göstərilən sübutlar ümumi çəkisi 6 ton olan 104 qutuda məhkəməyə təqdim edilib.
Bu iş 2016-cı ildə Kommunist Partiyasının baş katibi Nguyen Phu Trong tərəfindən başlatılan anti-korrupsiya kampaniyasının bu günə qədər ən diqqət çəkən kimi təsvir edilir. Korrupsiyaya qarşı mübarizə kampaniyası indiyədək iki prezidentin və iki baş nazirin müavininin istefaya məcbur edilməsi və yüzlərlə məmurun intizam məsuliyyətinə cəlb edilməsi və ya həbs edilməsi ilə nəticələnib.
İndi isə ölkənin ən zəngin qadınlarından biri olan Truong My Lan ən ağır cəzanı alıb.
Xəyal Ramiz