Dünyanın ən zəngin adamlarından biri olan ABŞ-lı sahibkar Elon Mask sosial media hesabından "The People's Voice" internet saytında bir xəbər paylaşaraq, "Yunanıstan aşağı doğum nisbətlərinə görə demoqrafik çöküşlə üzləşəcək ölkələrdən biridir" deyə bildirib.

Ednews hurriyet.com-a istinadən xəbər verir ki, yazıda  Yunanıstanın demoqrafik çöküşlə üzləşən ilk ölkə olacağı proqnozlaşdırılsa da, ölüm nisbətlərində gözlənilməz artım olduğu, doğum nisbətlərinin isə azaldığı iddia edilir.

Yunan mediası sözügedən xəbər saytının 'saxta xəbərlər yayımlamaqla məşhur olduğunu' və Covid-19 peyvəndlərinə qarşı kampaniya apardığını xatırladıb. Müvafiq xəbərlərdə real məlumatların yalanlarla qarışdırıldığını iddia edən Yunan mediası bu xəbərin məqsədinin "Yunanıstanda ölüm nisbətindəki artımı Covid-19 peyvəndi ilə əlaqələndirmək" olduğunu müdafiə edib. Maskın belə etibarsız mənbəyə əsaslanaraq paylaşım etməsinin qəbuledilməz olduğunu vurğulayan Yunan mediası bu saytda Rusiya lideri Vladimir Putini tərifləyən xəbərlərin də yer aldığını iddia edib.

Xəyal Ramiz