Aprelin 26-da Brüsseldə Beynəlxalq Hüquq və İnkişaf İnstitutu (IRDG) “Əbu-Dabi sirləri”ni açıqlayan “Kibertəhlükəsizlik və İnsan Haqları - Etika və Təsir” adlı mətbuat konfransı keçirilib. 

Ednews-a daxil olan məlumata görə, mətbuat konfransında İsveçrənin “Alp Services” şirkətinin qalmaqallı fəaliyyətindən bəhs edilib. “Alp Services”in casusluq fəaliyyətlərində iştirakı, siyasi məsləhət və böhranın idarə edilməsi daxil olmaqla, müxtəlif xidmətləri ilə tanınır.

2021-ci ildə ortaya çıxan “Əbu-Dabi sirləri” qalmaqalı “Alp Service”s-in Birləşmiş Ərəb Əmirliklərinin kəşfiyyat xidmətləri adından həyata keçirdiyi gizli əməliyyatları ifşa edib. Şirkət Əmirliyin düşmənlərini sarsıtmağa yönəlmiş şəxsi kəşfiyyat missiyaları həyata keçirməkdə, internetdə dezinformasiya yaymaq kimi aldadıcı taktikalardan istifadə etməkdə ittiham olunur.

Mətbuat konfransında Gizli Əməliyyatları Anlamaq: “Əbu-Dabi” qalmaqalının üsulları və nəticələri təhlil edilib, “Qurbanların Səsi: Casusluğun insana təsirlərinin araşdırılması, təsirə məruz qalan şəxslər və təşkilatların birbaşa hesabatları, medianın manipulyasiyası və onun nəticələri: Qalmaqalda medianın rolunun və onun ictimai etimada təsirlərinin araşdırılması, Casusluq Fəaliyyətləri üzrə Hüquqi Perspektivlər: Özəl kəşfiyyat firmalarının tənzimlənməsində hüquqi problemlərin qiymətləndirilməsi kimi mövzular müzakirə edilib. 

Nəticə olaraq vətəndaş cəmiyyəti, akademik dairələr, iş adamları, zərərçəkmişlər və araşdırma mərkəzləri birmənalı olaraq “Alp Services”-in fəaliyyətlərini pisləyir, həm şirkətə, həm də onun maliyyəçilərinə qarşı qətiyyətli tədbirlərin görülməsinə çağırır.

Müzakirə boyu “Alp Services”-in çirkin fəaliyyətinin təsirinə məruz qalan qurbanların bir neçə kateqoriyası müəyyən edilib:

- Birbaşa Təsirə məruz qalan şəxslər: Yalan məlumatların yayılması və casusluq fəaliyyəti ilə birbaşa hədəfə alınan və zərər çəkən şəxslər.

- Təhsil və Tədqiqat Müəssisələri: Özü də istəmədən saxta xəbərlərin və dezinformasiyanın yayılmasına qarışmış məktəblər, universitetlər və tədqiqat mərkəzləri.

- Təsirə məruz qalan ölkələr: “Alp Services”-in gizli əməliyyatları ilə hədəfə alınan və zədələnmiş ölkələr.

- Əmirlik Vətəndaşları: BƏƏ daxilində bu cür qeyri-etik hərəkətlərə qarşı çıxan və ya manipulyasiya edilmiş xəbərlərin yayılması üçün “Alp Services”-i istəmədən maliyyələşdirən şəxslər.

Sessiyanın sonunda məsələ ilə bağlı daha əvvəl məktub göndərildiyi Avropa Parlamentini bu məsələyə müraciət etməyə və tez bir zamanda tədbir görməyə çağırış edilib. 

Bundan başqa konfransda gələcəkdə təsir altına düşə biləcək şəxslərdən və qurumlardan, istər media təbliğatı, istərsə də hüquqi fəaliyyət vasitəsilə “Alp Services”-ə qarşı fəal tədbirlər görmələri xahiş edilib.

Mətbuat konfransında Beynəlxalq Hüquqlar və İnkişaf İnstitutundan (IRDG) - Cenevrə - İsveçrədən xanım Aya Linda da daxil olmaqla, Deusto Universitetindən Dr. Susana Manqana – İspaniya, Bilbao / Cenevrə Demokratiya və İnsan Haqları Mərkəzindən cənab Anuar Qarbi - İsveçrə / Fribourq və Aix Marsel Universitetinin professoru Dr. Baptist Brodard, Fransa / Böyük Britaniyanın Salford Universitetinin kriminologiya üzrə müəllimi Dr. Fahid Quraşi və tanınmış fransız jurnalisti cənab Jan-Mişel Brun kimi görkəmli şəxslər iştirak ediblər.

Mətbuat konfransının məqsədi kibertəhlükəsizlik adı altında həyata keçirilən insan hüquqlarının və şəxsi həyatın toxunulmazlığının kobud şəkildə pozulmasına işıq salmaqdır. 

2018-ci ildən İqtisadi və Sosial Şurada məşvərətçi statusu olan qeyri-hökumət təşkilatı IRDG bu cür sui-istifadə halları qarşısında insan hüquqları prinsiplərini dəstəkləməyə və ədaləti müdafiə etməyə sadiqdir.

Qeyd edək ki, “Əbu-Dabi sirləri” araşdırmaları çərçivəsində “Alp Services”in 2017-2020-ci illər arasında Avropanın 18 ölkəsində “Müsəlman Qardaşlar” təşkilatının bir hissəsi olduğu iddia edilən 1000-ə yaxın şəxs və 400 təşkilatın BƏƏ-yə kəşfiyyat məlumatı verdiyi üzə çıxıb.

Xatırladaq ki, “Alp Services” mərkəzi ofisi İsveçrənin Cenevrə şəhərində yerləşən özəl qlobal ictimai əlaqələr və biznes məsləhət şirkətidir. Neytrallıq prinsipi ilə idarə olunan diplomatik mərkəz olan şirkət Cenevrədə siyasi gündəm mövzuları ilə bağlı qlobal analizlər, araşdırmalar toplayır və paylaşırlar.  Sənayedə 30 ildən çox təcrübə və beynəlxalq tərəfdaşlar şəbəkəsi ilə bütün dünyada hökumətlər, korporasiyalar və şəxslər üçün etibarlı məsləhətçi kimi çıxış edirlər. 

Əkbər