Amerikanın "Washington Post" (WP) qəzeti İŞİD-in süni intellektdən istifadə edərək təbliğat fəaliyyətini araşdırıb.
Ednews wp.com-a istinadən xəbər verir ki, xəbər məqaləsində təşkilatın martın 22-də Rusiyanın paytaxtı Moskvada Crocus City Hall konsert zalına hücumdan sonra yayımladığı xəbər videosuna diqqət çəkilib.
İŞİD-in Xorasan qolunun üzərinə götürdüyü hücumda azı 145 nəfər ölüb, 500 nəfər yaralanıb.
Martın 26-da, hücumdan 4 gün sonra İŞİD hadisə ilə bağlı xəbər videosunu yayıb.
Şirkətin ekspertləri bəyan ediblər ki, İŞİD süni intellektlə dəstəklənən "News Harvest" adlı video platforma yaradaraq təbliğat aparır.
92 saniyəlik videoda dəbilqə və avadanlıq taxan xəbər aparıcısı deyir ki, Moskva hücumu terror əməliyyatı deyil, “İŞİD ilə İslama qarşı mübarizə aparan ölkələr arasında gedən şiddətli müharibənin bir hissəsidir.
WP, News Harvest-də mart ayından bu yana 6 videonun yayımlandığını, İŞİD-ə bağlı təşkilatların Niger, Kamerun, Nigeriya, İraq və Suriya kimi ölkələrdə həyata keçirdiyi əməliyyatlar haqqında məlumat verdiyini bildirib.
Xəbərdə İŞİD-in hansı süni intellekt proqramlarından istifadə etdiyini müəyyənləşdirmək mümkün olmadığı bildirilib.
Digər tərəfdən, Vaşinqtonda yerləşən Yaxın Şərq Media Araşdırmaları İnstitutundan Steven Stalinsky bülletenlərin İŞİD-in rəsmi media qolu olan Əl Həyat tərəfindən hazırlanmadığını, lakin təşkilatın gələcəkdə xüsusi süni intellekt bölməsi yarada biləcəyini bildirib.
Xəyal
