"Ukraynanın hərbi kəşfiyyatı Krokusun hücumunda bilavasitə iştirak edib".
Ednews "TASS"a istinadən xəbər verir ki, bu sözləri Rusiya Federal Təhlükəsizlik Xidmətinin direktoru Aleksandr Bortnikov MDB-nin Bişkekdə keçirilən təhlükəsizlik iclasında bildirib.
"İstintaq davam edir, lakin mən artıq əminliklə deyə bilərəm ki, Ukrayna hərbi kəşfiyyatı həmin hücumda birbaşa iştirak edib".
Qeyd edək ki, Bortnikov iclas üzvlərini əmin edib ki, bu cinayətin bütün halları aşkara çıxardılacaq və bütün iştirakçıları cəzalandırılacaq.
Xatırladaq ki, mart ayının 22 - də, axşam saatlarında Krasnoqorsk şəhərindəki "Crocus City Hall" konsert salonunda terror aktı törədilib. Terror aktı 144 nəfərin həyatına son qoyub.
Əkbər Novruz
