Ukraynaya Rusiya ərazisinə qarşı Qərb silahlarından istifadə icazəsi verilməsi ilə Moskva ilə NATO arasındakı gərginlik fərqli müstəviyə keçərkən, Rusiya televiziyasında gedən müzakirədə dəhşətli açıqlamalar olub.
Ednews milliyet qəzetinə istinadən xəbər verir ki, “Rossiya 1” kanalında yayımlanan proqramda danışan rusiyalı hərbi ekspert və istefada olan dəniz zabiti Konstantin Sivkov “ Polşanı 10-15 dəqiqəyə sıradan çıxara biləcəyini” iddia edib:
“Gəlin Polşaya baxaq. Bu kiçik nüvə müharibəsi teatrı üçün ən real namizəddir. Orada 20 böyük şəhər varmı? Mən belə düşünmürəm. Hər şəhərə iki nüvə raketi ayırsaq, bu, cəmi 30-40 raket deməkdir. 10-15 dəqiqədən sonra Polşa da, xalqı da yox olacaq. Avropalılar bunu başa düşməlidirlər. “Mən avropalıları nə etdikləri barədə düşünməyə çağırıram”.
Bu arada məlum olub ki, NATO Rusiya ilə hərtərəfli münaqişə olacağı təqdirdə ABŞ qoşunlarını Avropa cəbhələrinə göndərmək planları hazırlayır. “Teleqraf” qəzetinin yazdığına görə, qoşunları Mərkəzi Avropaya sürətlə yönəltmək üçün yeni “quru dəhlizləri” yaradılarkən, Ukraynada müharibə daha da qərbə doğru gedərsə, NATO qüvvələri dərhal hərəkətə keçə biləcək.
Qəzetə danışan rəsmilər bildiriblər ki, planlar Rusiyanın bombardmanı vəziyyətində qoşunların İtaliya, Yunanıstan və Türkiyədəki dəhlizlər vasitəsilə Balkanlara və ya Skandinaviya vasitəsilə Rusiyanın şimal sərhədinə doğru irəliləməsinə imkan verəcək. Yunanıstan və Türkiyənin Rumıniya və Ukraynanın cənub sahillərinə çıxış əldə edə biləcəyi irəli sürülüb.
Xəyal
