Kremlin sözçüsü Dmitri Peskov təhlükəsizlik maraqlarının hicablı qadınlardan daha vacib olduğunu bildirib.

Ednews “kommersant” nəşrinə istinadən yazır ki, Peskov müsəlmanları təhlükəsizlik tələblərinə tam riayət etməyə çağırıb. 
 
Peskov, "Elə bir dövrdə yaşayırıq ki, təhlükəsizliyin təmin edilməsi zərurəti ilə bağlı vəziyyətlər yaranır. Təbii ki, bu vəziyyətlərdə üzü örtülü olan insanlar asayiş keşikçilərinin öz vəzifələrini yerinə yetirmə qabiliyyətinin pozulmasına səbəb olur" dedi. 
 
Peskov sözlərinə davam edərək əlavə edib: “Hesab edirəm ki, belə bir şəraitdə və təhlükəsizliyin təmin edilməsi belə bir zərurət diktə edərkən müsəlmanlar da daxil olmaqla hamı buna tam hörmətlə yanaşmalıdır”. 
 
İyulun 3-də Rusiya Federasiyasına bağlı olan Dağıstan Respublikasının Müftiliyi qadınların çadra geyinməsinə müvəqqəti qadağa qoyduğunu, daha sonra isə Qaraçay-Çərkəz Müftiliyi də analoji məhdudiyyət tətbiq etdiyini açıqlayıb.
 
Son zamanlar Rusiyada müsəlman qadınların çadra geyinməsi ilə bağlı müzakirələr intensivləşib. Bu müzakirələrin mərkəzində təhlükəsizlik problemləri ilə dini azadlıqlar arasında tarazlığın axtarışı dayanır.
 
Kremlin sözçüsü Peskov bu cür təhlükəsizlik tədbirlərinin zəruri olduğunu vurğulasa da, bütün ölkə ərazisində hicabın qadağan edilməsinin gündəmdə olmadığını bildirib.

Xəyal