Rusiya-Ukrayna müharibəsi başlayandan bəri üçüncü dünya savaşının anonsu verilir. Dəhşətli müharibə gözləntiləri hələlik reallaşmasa da, bu istiqamətdə addımların sürətlənməsini düşünməyə əsas verən xəbərlər də intensivləşir. Son təşviş yaradan xəbər bu budur ki, Avropa İttifaqı Almaniyanın rəhbərliyi altında Rusiya ilə müharibəyə hazırlaşır. Bu barədə InfoBRICS portalı məlumat yayıb. Tarix yenidən təkrarlancaqmı? Nəzərə alsaq ki, son vaxtlar Almaniyanın sağçı, millətçi "AfD" partiyası da yüksəlişdədir.

Tarix elmləri doktroluğu namizədi, rusiyalı politoloq Anton Bredixin mövzu ilə bağlı Ednews -a danışıb. Onun fikrincə bu olduqca qorxulu ssenaridir, lakin Aİ potensial müharibə ehtimalına qarşı bütün ehtiyatlı davranır:

"Hadisələrin üçüncü dünya müharibəsinə doğru inkişafı Almaniyanın özündə də qorxunc bir hekayə olaraq hesab edilir. Biz görürük ki, hazırda ən yüksək alman siyasi cəmiyyətində böyük bir ixtilaf var. Artıq bir sıra siyasətçilər ABŞ - ın Almaniya ərazisində "Tomahawk" silahlarının növlərini yerləşdirməsindən narazılıqlarını bildiriblər. Buna uyğun olaraq da biz Almaniya daxilində mövcud olan siyasi böhran görürük. İfrat sağçı və millətçi təşkilatların nümayəndələri getdikcə daha çox hakimiyyətdə hakim mövqeləri qazancaqlar. Burada təkcə "AfD" partiyası deyil. Bunlar daha da radikal təşkilatlar olacaq. Bu bir faktdır. Ona görə də təbii ki, Avropa İttifaqı mövcud tendensiyalarla bağlı yarana biləcək bütün nəticələrdən xəbərdardır və mümkün qədər bu məsələdə ehtiyatlı davranacaq. Mən bu cür ritorikadan əminəm və gələcəkdə Almaniya ilə Rusiya arasında birbaşa toqquşmanın mümkün olması sualına əhəmiyyət verməməyə çalışıram".

Əkbər Novruz