ABŞ-ın vitse-prezidenti Cey Di Vens Hindistanın Baş naziri Narendra Modi ilə ikitərəfli ticarət, tariflər, müdafiə sahəsində əməkdaşlığı və geosiyasi məsələləri müzakirə etmək üçün Dehliyə səfər edib.
“EDnews” xəbər verir ki , Hindistan Xarici İşlər Nazirliyinin məlumatına görə, səfər zamanı Vaşinqtonla Dehli arasında ikitərəfli münasibətlərdəki irəliləyişlər və Narendra Modinin fevralın 13-də ABŞ-a səfəri zamanı qəbul edilən birgə bəyanatın icrası nəzərdən keçiriləcək. Tərəflər, həmçinin qarşılıqlı maraq doğuran regional və qlobal hadisələrlə bağlı fikir mübadiləsi aparacaqlar.
Həmçinin danışıqlarda ABŞ-ın Hindistana tətbiq etdiyi 26 faizlik tariflərin təsirini yumşaltmaq üçün ikitərəfli ticarət sazişinin müzakirə olunacağı gözlənilir.
Fatimə Mərdanlı // EDnews
