ABŞ prezidenti Donald Tramp 79-cu doğum günü münasibətilə Vaşinqtonda keçiriləcək möhtəşəm hərbi parad üçün təxminən 45 milyon dollar büdcə ayıracaq.

EDnews xəbər verir ki, tədbir yalnız Trampın ad günü ilə deyil, eyni zamanda ABŞ ordusunun 250 illiyinə həsr olunacaq.

Rəsmi hesabatlara əsasən, bu nəhəng tədbir Vaşinqtonun şəhər infrastrukturuna təxminən 16 milyon dollarlıq ziyan vura bilər.

Paradda nümayiş olunacaq texnika və canlı qüvvənin miqyası olduqca genişdir. Təşkilatçılar bildirir ki, tədbir zamanı:

28 ədəd M1A1 Abrams tankı,
28 ədəd Bradley döyüş maşını,
28 ədəd Stryker zirehli texnikası,
və müxtəlif artilleriya sistemləri daxil olmaqla ümumilikdə 130-a yaxın hərbi texnika şəhər küçələrində yer alacaq.
Həmçinin:

50-dən çox helikopter havaya qalxacaq,
7000 əsgər parad marşrutunda yürüş edəcək,
8 orkestr,
onlarla at və iki qatır da tədbirdə iştirak edəcək.
Paradın Trampın siyasi imici üçün həm də kampaniya xarakteri daşıdığı düşünülür, çünki o, 2024-cü ildən sonra yenidən namizəd kimi fəaliyyətini fəallaşdırıb.

Fatimə Şükürova // EDnews