20 Yanvarda müstəqillik uğrunda həyatını qurban verənlərin şücaəti heç vaxt unudulmamalıdır - Britaniyalı jurnalist | Eurasia Diary - ednews.net

8 Mart, Bazar ertəsi


20 Yanvarda müstəqillik uğrunda həyatını qurban verənlərin şücaəti heç vaxt unudulmamalıdır - Britaniyalı jurnalist

Analitika A- A A+

20 Yanvar günü, ümidsizlik içində olan Sovet İttifaqı sonuncu Baş katib Mixail Qorbaçovun rəhbərliyi altında öz xalqına - Sovet vətəndaşlarına atəş açmaqla insanlıq əleyhinə böyük faciəyə səbəb oldu, Neil Vatson deyib.

Britaniyalı jurnalist Neil Vatson, 20 Yanvar qurbanlarının ailələrinə başsağlığı verib və şəhidlərə Allahdan rəhmət diləyib.

Vatson, 20 Yanvar faciəsi və onun nəticələri barədə fikirlərini Eurasia Diary ilə bölüşüb.

“20 Yanvar günü, mən Britaniya vətəndaşı olaraq BBC TV News-da 'Azərbaycan' adını ilk dəfə eşitdim. Xatırlayıram ki, o vaxt qərbdə 'qlasnost' və 'yenidənqurma' siyasətinə görə təqdir olunan Qorbaçovun öz xalqına atəş açmaq üçün Qırmızı Ordunun 26.000 əsgərindən istifadə etməsini başa düşmədik. Həmin vaxt kilsələrimizdə faciə qurbanlarına dualar edilirdi”, o deyib.

"Buna baxmayaraq, bu hadisənin Azərbaycan müstəqilliyinin başlanğıcı və nəticədə Sovet İmperiyasının süqutu demək olduğunu bilmirdik", o qeyd edib.

Vatson bildirdi ki, o gecə ölkələrinin müstəqilliyi üçün canlarını qurban verən şəhidlər heç vaxt unudulmamalıdır.

“20 Yanvarda küçələrdə barrikada qurub səslərini eşitdirən insanların şücaəti heç vaxt unudulmamalıdır. Onlar Azərbaycan Xalq Cümhuriyyətinin 1918–20-ci illərdəki uğurlarını xatırlamışdılar və bu müstəqillik yanğısı hələ də sönməmişdi. 20 Yanvardakı qırğından sonra da, bir milyon azərbaycanlı mümkün qanlı nəticələri gözardı edərək dəfn mərasimlərinə qatıldı”, o dedi.

Sovet rəhbərliyinin Bakıda törətdiyi qanlı qırğınlara qərb ictimaiyyətinin laqeyd münasibətinə toxunan Vatson, Qərbin bu günə qədər Sovet xalqının Azərbaycan xalqına qarşı vəhşiliyini pisləmək istəməməsinin iki səbəbinin olduğunu vurğuladı.

“Birincisi, keçmiş Sovet İttifaqı respublikaları haqqında qərbdə düzgün məlumat verilmirdi və Sovetlər təbliğatı gizli saxladıqları üçün qismən başa düşülmürdü,. İkincisi, Britaniya Baş naziri Marqaret Tetçer və ABŞ Prezidenti Corc Buş kimi sağçı siyasətçilər Sovet İttifaqını dağıtmağı, bununla da Soyuq Müharibəyə son qoymağı özlərinə borc hesab etdilər və Qorbaçovu bu məqsədə çatmaqda dost gördülər. Bu səbəbdən Qara Yanvar faciəsini Sovet İttifaqını dağıtmaqda 'ikinci dərəcəli ziyan' kimi görməzlikdən gəldilər və insanlığa qarşı bu cinayətin səbəbkarları o faciəvi gündə verdikləri qərarların əvəzini heç vaxt ödəməyəcəklər", o dedi.

Bu gün Azərbaycan xalqı Azərbaycan tarixinin ən qanlı hadisələrindən biri olan “Qara Yanvar” gününü qeyd edir. Otuz bir il əvvəl, 19 yanvarda Sovet İttifaqının mərkəzi hökuməti ölkəmizdə fövqəladə vəziyyət elan edərək Sovet qoşunlarını Bakı şəhərinə və Azərbaycanın digər ərazilərinə yeritdi. 20 yanvar gecəsi Sovet qoşunlarının komandanlığı altında Bakıda yaşayan günahsız mülki vətəndaşlara divan tutuldu. Əsgərlərə qarşılarına çıxan hər kəsə atəş açmaq əmri verildi. Bir gecə ərzində kişilər, qadınlar və uşaqlar da daxil olmaqla 140-dan çox mülki şəxs Sovet təcavüzünün qurbanına çevrildi, yüzlərlə insan yaralandı. Çox sayda yaşayış obyektləri, nəqliyyat vasitələri və avtobuslar Sovet tankları tərəfindən məhv edildi.

Azərbaycan xalqı Qara Yanvar faciəsini unutmayıb və heç vaxt unutmayacaq.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...