“Son illərdə Rusiya-Azərbaycan münasibətləri ən yüksək mehriban qonşuluq, qarşılıqlı anlaşma və əməkdaşlıq səviyyəsinə malikdir”.
EDNews.net xəbər verir ki, bunu “Report”a rusiyalı tarixçi və politoloq Oleq Kuznetsov bildirib.
Onun sözlərinə görə, bu, xüsusən də iqtisadi sahədə özünü göstərir. Son təqvim ili ərzində iki ölkə arasında mal dövriyyəsi artımının 11 % təşkil etməsi bunu bir daha sübut edir.
Rusiya Prezidenti Vladimir Putinin Azərbaycan və Ermənistan rəhbərləri ilə Soçidə danışıqların təşkilindəki rolunu şərtləndirici adlandıran O.Kuznetsov görüşün təşəbbüskarının və ev sahibinin məhz Putin olduğunu söyləyib.
Regionda nəqliyyat və iqtisadi əlaqələrin açılması məsələsinə gəlincə, politoloq bu prosesin Azərbaycan və Ermənistan sərhədinin delimitasiya və demarkasiyasından sonra başlamasının daha arzuolunan olduğunu vurğulayıb.