Berlində Beynəlxalq Sülh bürosunun “Tərksilah olaq! Sülh iqlimi naminə” şüarı ilə keçirilən Dünya Konqresi öz işinə başlayıb. Konqresdə dünyanın məşhur siyasətçiləri, jurnalistlər, Nobel Sülh mükafatçıları iştirak edirlər.
Onlardan biri də Yəmənli jurnalist, siyasətçi, hüquq müdafiəçisi Təvəkkül Karmandır. O, 2005-ci ildə təsis etdiyi “Qandalsız Jurnalistlər Qrupu” təşkilatının həm də rəhbəridir. O, 2011-ci ildə Nobel Sülh Mükafatı Laureatı olan ilk Yəmənli, ilk ərəb qadını və ikinci müsəlman qadındır. Onun konqresdə çıxış edərkən ilk sözü belə oldu: Ədalət olmayan yerdə sülh də yoxdur. İnsanları sülh və davamlı inkişafa çağıran nitqi zalda əks-səda doğurdu.
Qeyd edək ki, “Eurasia Diary” konqresdə Cənubi Qafqaz regionunu təmsil edən yeganə KİV-dir.
“Eurasia Diary” beynəlxalq analitik informasiya portalı Təvəkkül Karmanın çıxışının videosunu təqdim edir:
O, çıxışında bildirib ki, dünyada hərbiyə çəkilən xərclər təhsilə çəkilən xərclərdən dəfələrlə çoxdur. Hər il dünyanın hərbçiləri üçün çəkilən hüquqi xərclər təxminən 2 trilyon dollar təşkil edir və hər il silahların qanunsuz ticarət dövriyyəsinin həcmi təxminən 16 milyard dollardır. Bu məbləğin 15-25 faizi dünyada aclığın aradan qaldırılması üçün kifayət edir. Bu pulların 25 faiz məbləği də bizim mühiti qorumaq, böhranın bütün səbəblərini aradan qaldırılması üçün beynəlxalq davamlı sülhə kömək etməyə kifayətdir. Bu pul, planetimizin qorunması, dünya ilə bağlı bütün proqramları həyata keçirməyə kifayət edir.
Təbii ki, hər bir dövlətin özünü müdafiə etmək hüququ var. Mənim sizi tərksilah etmək fikrim yoxdur. Mən qanunsuz silah ticarəti əleyhinəyəm. Mən bəşəriyyəti qorumaq üçün nüvə silahı əleyhinə çıxıram. Biz ya inkişafa pul xərcləməyi seçməliyik, ya da hərbə.
Hamımız bilirik ki, soyuq müharibə arasında 16 il əvvəl başa çatıb. Amma bəziləri hələ də Soyuq Müharibə məntiqini saxlayır. Bu axmaq şeydir. İlk növbədə onlar silah istehsalı və daha sonra səhiyyə, təhsil, incəsənət və digər şeylər haqqında düşünürlər. Təəssüf ki, yoxsul ölkələri də ilk növbədə hərbiləşdirilmə düşündürür. Onlar hərbiləşdirməyə təhsildən daha çox pul xərcləyirlər.
Əgər biz daha sabit və daha çox ədalətli dünya istəyiriksə, cinayətkarlıq, korrupsiya, hərbi xərclərdən uzaq durmalıyıq. Ölkələrimizin gələcəyi üçün silah alverçilərindən çəkinməliyik. Biz onları dayandırmalıyıq. Biz sülh şəraitində, təhlükəsiz yerdə yaşamaq istəyirik. Əgər biz daha sabit və ədalətli sülhə nail olmaq istəyiriksə, ilk növbədə ədalətə nail olmalıyıq. Xalqlar arasında buna nail olmalıyıq. Siz bilməlisiniz ki, mən güclü dövlətlər və diktatorlar tərəfindən təzyiqlərə məruz qalan ölkənin vətəndaşıyam. Mənim xalqım terrora məruz qalır. Hər bir diktator terrordur. Bizim ərəb xalqı bir dövlətə qarşı hərbiləşməyi qəbul etməyəcək. Biz terrorizmi qəbul etmirik. Biz dünyada sülhün, ədalətin, azadlığın tərəfindəyik.