Hindistan və Pakistan arasında sərhəd bölgəsində — Kəşmirdə gərginlik artmaqda davam edir. 

EDnews xəbər verir ki, vəziyyət yaxın zamanda artilleriya zərbələrinin mübadiləsi və Pakistana qarşı “intiqam əməliyyatı” ilə nəticələnə bilər.

Şərqşünasın sözlərinə görə, Hindistan 22 aprel tarixində Pakistana meyilli “Ləşkər-e-Tayyibə” (Rusiyada qadağan olunmuşdur) qruplaşmasının törətdiyi terror aktına biganə qalmayacaq. O ehtimal edir ki, yaxın zamanda Hindistan Pakistandakı radikal islamçıların bazalarına və təlim düşərgələrinə qarşı hərbi əməliyyat keçirə bilər.

“Bu, Pakistandakı terrorçu bazalarına hava hücumları şəklində ola bilər. 2019-cu ildə buna bənzər hadisələr yaşanmışdı. Ona görə də yaxın zamanda Hindistanın aviasiyası və xüsusi təyinatlıları fəaliyyətə başlaya bilər. Əlbəttə, məqsəd Pakistan ordusu deyil, məhz silahlı qruplaşmalar olacaq. Amma belə ssenari risklidir — pakistanlılar Hindistan helikopterlərini vura bilərlər”, — deyə Kupriyanov bildirib.

Ekspert həmçinin ehtimal edir ki, Hindistan zərbələri əsasən zərbə dronları vasitəsilə həyata keçirə bilər. Bu, ən az riskli variant hesab olunur. Lakin Kupriyanov qeyd edir ki, Hindistan bu sahədə hələ də kifayət qədər inkişaf etməyib və geniş hərbi dron ehtiyatına malik deyil.

Nyu-Dehli İslamabadı ittiham edir

Kəşmirdə son gərginlik 28 nəfərin, əsasən turistlərin, “Ləşkər-e-Tayyibə” silahlıları tərəfindən qətlə yetirilməsi ilə başladı. Hadisədən sonra Hindistan hökuməti İslamabadı islamçı qruplara dəstək verməkdə ittiham etdi və bildirdi ki, bu formalaşmalar Pakistanın xüsusi xidmət orqanlarının dəstəyi ilə yaradılıb və maliyyələşdirilir.

Şəms Qasımlı // EDnews