Prezident İlham Əliyev “Bakı Ürək Günləri” 9-cu Beynəlxalq Konqresin iştirakçılarına ünvanladığı müraciətdə Ümummilli Lider Heydər Əliyevin səhiyyə sisteminin inkişafına verdiyi əhəmiyyətli töhfələrə diqqət çəkib.
EDnews xəbər verir ki, indi ölkədə kardiologiya sahəsində son yeniliklərdən istifadə edilərək, ürək-damar xəstəliklərinin müasir cərrahi üsullarla müalicəsi üçün geniş imkanlar yaradılıb.
Konqres həmçinin yeni müalicə üsullarının ölkədə tətbiqi baxımından böyük əhəmiyyət daşıyır və tanınmış beynəlxalq kardioloq alimlərin iştirakı ilə elmi-praktiki səviyyədə zəngin müzakirələrə şərait yaradır.
Prezident bildirib ki, bu tədbir həkimlərimizin xarici həmkarları ilə əlaqələrini gücləndirəcək, beynəlxalq təcrübənin mübadiləsini artıraraq tibb elminin inkişafına töhfə verəcəkdir.
Mədinə Məmmədova//Ednews
