“Qarabağa aid hər bir əsər, məqalə, kitab bütün Azərbaycan xalqının növbəti uğur və qələbəsidir”.
Ednews xəbər verir ki, bu sözləri deputat Tural Gəncəliyev "Mənim Qarabağım və ya Qarabağ düyünü" kitabının təqdimatında çıxışı zamanı deyib. O, həmçinin vurğulayıb ki, Qarabağla bağlı hər yeni əsər, kitab yazanda, musiqi bəstələyəndə həm insana şərəf verir, həm də qürurlandırır:
“Qarabağ bizim xalq üçün təkcə coğrafi ərazi deyil. Onun xüsusi özəlliyi və dəyəri var. Qarabağla bağlı yazılan hər bir əsər öz tariximizlə yanaşı dünya xaqları tarixində də özünə məxsus yer tutur. Biz 44 günlük Vətən müharibəsində təkcə cəbhədə yox informasiya müharibəsində də savaşırdıq. Ölkəmizə nə qədər haqsızlar olsa da xalq olaraq dayanmadıq. Bu yolda millətimiz, xalqımız elə irəliləyir ki, qarşsında heç bir qüvvə dayana bilməz. Azərbaycan yeganə ölkələr siyahısındadır ki, öz torpaqlarını işğaldan azad edərək, ədaləti bərpa edib. Bunu çox az ölkələrdə görə bilərik. Bunun üçün millətin birlikdə olması və inanması vacibdir”.
Aysel Şahmar
.jpeg)
