Azərbaycanda qadın yazıçılar niyə AZDIR? - SORĞU - ednews.net

4 İyun,

(+994 50) 229-39-11

Azərbaycanda qadın yazıçılar niyə AZDIR? - SORĞU

Mədəniyyət A- A A+

Azərbaycan ədəbiyyatında qadın yazıçıların imzası kişi yazıçılara nisbətən çox azdır. Bu hal dünya ədəbiyyatında da belədir. Ədəbiyyatın cinsi olmasa da xanım imzaların azlığı diqqət çəkir.

Mövzu ilə bağlı Ednews-a danışan şair Rəbiqə Nazimqızı bildirdi ki, mənim üçün ədəbiyyat şöhrət məsləsi deyil, mənim üçün həyat-ölüm məsləsidir.

“Qadın yazıçılar təkcə Azərbaycanda yox, bütün dünyada azlıq təşkil edir. Bu müxtəlif səbəblərlə bağlıdır. Qadınların üzərinə daha çox ailə qayğıları, məişət qayğıları düşür. Həm də ki, həmişə münasibətlərdə kişiyə adaptasiya olan tərəf qadındır. Kişilər adətən qadınlarının onlara məxsus olmağını istəyirlər. Bu da zamanla problemə çevrilir. Başqa bir problem də odur ki, ədəbiyyat adamlarına, yaradıcılara o qədər də ciddi yanaşılmır. Bilirsiz ki, şair şeirindən pul qazana bilmir, yəni poeziya, yazıçılıq bunların heç biri peşə hesab olunmur. İntellekti ilə seçilməyən imzalar çoxdur”.

R.Nazimqızı əlavə etdi ki, istər kişi olsun, istər qadın, bir şeyə həvəsi varsa onsuz yaşaya bilmirsə, deyək ki, bu ədəbiyyatdır, poeziyadır o, öz yerini, yolunu tapacaq.

“Ədəbiyyat, poeziya  insandan bütün emosiyasını tələb edir. Yəni hər şey insanda ədəbiyyat üçün olmalıdır”.

Yazıçı Aysel Əlizadə açıqlamasında qeyd etdi ki, mənim fikrimcə qadın yazıçılar kifayət qədər var. Lakin istəyərdim ki, daha aktiv olsunlar.

“Əslinə qalsa məişət qadınları çox üzə çıxmağa qoymur, ərləri mütləq şəkildə dəstək olmalıdır. Elə bir şərait yaradılmalıdır ki, onlar yazıya, ictimai fəaliyyətə, karyeraya vaxt ayıra bilsinlər. Çünki ədəbiyyat, poeziya çox vaxt aparan bir sahədir”.

Vəfa Ustayeva 



Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...