Kristofer Marlounun 14-cü əsr İngiltərə kralı haqqında yazdığı məşhur pyesin yenidən dirilməsi, kralın kişi "sevgilisi" Pyers Geyvston ilə münasibətini yenidən diqqət mərkəzinə qoyur.
Bu həftə, "Stretford-upon-Avon"-dakı bazasında dünya şöhrətli "Royal Shakespeare Company (RSC)" Kristofer Marlounun "II Edvard " pyesinin yeni bir tamaşasını təqdim edir. 16-cı əsrə aid olan və çətin vəziyyətdə olan qeyri-heteroseksual bir monarx haqqında yazılmış bu təsirli pyes 430 ildən çox keçsə də, hələ də son dərəcə aktualdır. Marlou bu kralı, başqa bir kişi ilə olan münasibəti səbəbindən hakimiyyətinin və idarəetmə qabiliyyətinin ölümlə nəticələnəcək şəkildə gücsüzləşdirilmiş şəkildə təsvir edir. Müasir dövrdə Birləşmiş Krallıq monarxları ancaq simvolik gücə sahib olsa da, Britaniya şahzadə ailəsində açıq şəkildə queer(heteroseksual olmayan) olmaq hələ də son dərəcə nadirdir. Kral III Çarlzın qohumu və hazırda ABŞ-ın The Traitors adlı gerçəklik şousunda iştirak edən Lord Ivar Montbaten, geniş şəkildə “aşkar şəkildə homoseksual olan ilk şahzadə” kimi tanınır.
Marlounun pyesi 1307-1327-ci illər arasında İngiltərədə hökmranlıq edən və real həyatda var olmuş Kral II Edvardın qarşılaşdığı çətinlikləri canlandırır. II. Edvard atası I Edvardın ölümündən bir il sonra taxta çıxdı və İngiltərə ilə Fransa arasındakı əlaqələri gücləndirmək məqsədilə Fransa Kralının qızı İzabella ilə evləndi. Kraliça İzabella dörd uşaq dünyaya gətirdi və öz dövrünün parlaq şəxsiyyətlərindən biri oldu. Bəzən ona “Fransanın dişi canavarı” da deyilir. Lakin Marlounun pyesi, əsasən kralın kişi “sevgilisi” Piers Geyvston ilə olan mübahisəli əlaqəsi və bunun nəticəsində baş verən, kralın heç vaxt bərpa edə bilmədiyi konstitusional böhrana necə yol açdığı üzərində qurulub.
Pyesin müəllifi heç vaxt birbaşa olaraq iki kişinin aşiq olduqlarını demir, amma mətndəki gizli məna diqqətdən qaçmayacaq qədər aydın şəkildə göstərilir.Bir səhnədə, sevgilisi ilə yenidən görüşən Edward ona “əlimi öpmə, məni qucaqlama, Geyvston, mənim kimi sən də mənə qucaq aç” deyir. Başqa bir səhnədə, Isabella “kral mənə baxmır, Geyvstonun eşqinə düşüb” deyə narahat olur. Yalnız Marlowe’un mətnini qəsdən anlamayan bir oxucu bu iki kişinin sadəcə dost olmadığını hiss etməzdi.
II Edvard homoseksual idi?
Marlounun pyesi yazıldığından bəri, real həyatda II Edvardın “homoseksual kral” kimi mübahisəli, amma tamamilə gözlə görünə bilən reputasiyasını möhkəmləndirməyə kömək edib. Sadə dildə desək, biz heç vaxt əmin ola bilmərik ki, II Edvard kişilərlə romantik və ya cinsi əlaqədə olub. Ancaq 1592-ci ildə ilk dəfə səhnəyə qoyulanda bu pyes tarixçilərin monarxın homoseksuallığını açıq şəkildə müzakirə etməsinə səbəb oldu. “Tarixçi Kit Heyam, ‘The Reputation of Edward II, 1305-1697’ adlı əsərinin müəllifi, BBC-yə bildirib: Edvarda qarşı cinsi pozuntu ittihamını irəli sürən ilk mətn, Geyvstonun öldürülməsi [1312-ci il] dövrünə aiddir. Mətndə bildirilir ki, “Edvardın hakimiyyətinin başlanğıcında əxlaqsızlıq davamlı şəkildə tətbiq olunurdu”. (Red: O dövrün dilində, Katolik Kilsəsinin əxlaq qaydalarına görə, “lechery” (əxlaqsızlıq) hər hansı bir “əxlaqsız cinsi davranışı” təsvir etmək üçün istifadə olunurdu).
“The Reputation of Edward II, 1305-1697” kitabının müəllifi Kit Heyam BBC-yə bildirib:
“Mətn Geyvstonun qətlindən sonra bu davranışın dayandığını göstərir, amma cinsi pozğunluğun həqiqətən Gaveston ilə kral arasında olub-olmaması barədə bir şey demir.”
II Edvardın ölümündən sonra əsrlər ərzində yazıçılar onun cinsi pozğunluqlarını açıq şəkildə ifadə etməkdə daha az təhlükəli hesab edirdilər, amma 15-ci əsrdə çap maşınının kəşf olunmasıyla bu cür dolaylı ifadələr artdı. Kit Heyam deyir:
“Yazıçılar, mətnlərini ticarət baxımından cəlbedici etmək üçün onları şişirdirdilər, buna görə də II Edvardın mütləq cinsi pozuntulara sahib olduğunu və bunun mütləq onun “sevgililərinin” günahı olduğunu söyləməyə başladılar.” “Amma Marlowe, ilk dəfə olaraq, bu əlaqələri birləşdirərək, II Edvardın həqiqətən onlarla cinsi əlaqədə olduğunu dedi.”
Daniel Evans RSC-nin həmsədridir və yeni tamaşada II Edvard rolunu canlandırır. O, Marlounun tamaşasını 2025-ci ildə belə “radikal” hesab edir. Onun yenidən canlandırmağa olan marağı, rejissor Daniel Recet tərəfindən verilən provokativ, hipotetik sualla artdı, bu sual əsərin davamlı aktuallığını vurğulayır:
“Əgər indiki kralımız III Çarlz birdən desə ki, ‘Bilirəm ki, bir müddətdir evliyəm, amma əslində yanımda Kamillanı yox, Kolin adlı birini istəyirəm”, nə baş verər? Bu, Marlounun tamaşasında Edvardın Geyvston ilə əlaqəsinin vətəndaş müharibəsinə səbəb olduğu kimi, müharibəyə səbəb olmaya bilər, amma Evans hesab edir ki, bu günkü “iddia edilən liberal və sərbəst cəmiyyətin” nə qədər tolerant olacağını sorğulayır. “Dərin kök salmış homofobiya hələ də var və Britaniya kral ailəsinin, nəsil və varislər anlayışı, heteronormativ ailə strukturuna bağlıdır”.
Kristofer Marlounun “ II Edvard” tamaşası, 20-ci əsrin sonlarında LGBTQ+ hüquqları hərəkatının yüksəlişi ilə paralel olaraq yenidən səhnəyə qoyuldu. "Shakespeare’s Globe"-un tədqiqat rəhbəri Dr. Uill Toş tamaşanın əvvəlki dövrlərdə “çox uzun tamaşa tarixçəsinə sahib olmadığını” qeyd edir. 18-ci və 19-cu əsrlərdə, kişi hökmdarın kişi sevgilisi olma fikrinin, konservativ (mühafizəkar) Corcien və Viktoriya dövrü tamaşaçıları üçün qəbul edilməz olduğunu vurğulayır. Toş tamaşanın 20-ci əsrin ikinci yarısındakı dirçəlişinin, “homoseksual münasibətlərə daha meylli və daha az mühakiməedici bir yanaşma ilə üst-üstə düşdüyünü” vurğulayır.
“Məhdudiyyətləri aşan” tamaşalar
1969-cu ildə, İngiltərə və Uelsdə kişi homoseksuallığının qanunla cəzalandırılmaması qərarından iki il sonra belə Şotlandiyada hələ də eyni addım atılmamışdı - "Yan Makellen Prospekt" Teatrı Şirkətinin hazırladığı “II Edvard ” tamaşasında baş rolda oynadı. Geyvston rolunu isə Yeni Zelandiyalı aktyor Ceyms Lorenson canlandırdı və onların səhnədəki öpüşü Edinburqda tamaşa nümayiş etdirildikdə bəzi mübahisələrə səbəb oldu. Makellen öz veb-saytında qeyd edir:
“Keçmiş məclis üzvü Con Kidd kişi sevgisinin nümayişinə etiraz etdi, xüsusən də bu, Şotlandiya Kilsəsinin Assambleya Zalı içərisində qurulmuş bir səhnədə baş verdiyinə görə.”
Lakin yerli polis əməkdaşları tamaşanı izləmək üçün göndərildikdə, onlar tamaşanın məzmununda “heç bir problem” tapmadılar və bu qısa mübahisə tamaşanın bütün salonlarla nümayiş etdirilməsini təmin etdi.
Bu tamaşa bir il sonra BBC kanalında yayımlananda Britaniya televiziyasında nümayiş etdirilən ilk homoseksualların öpüşü kimi tarixə düşdü. 2017-ci ildəki bir müsahibəsində, Makellen bildirib ki, Prospekt istehsalı, ABŞ PHS şəbəkəsində yayımlandıqda bu “çox amerikalı” üzərində dərin təsir yaratdı. “Onlar həyatlarında ilk dəfə iki kişinin öpüşdüyünü gördülər və buna inanabilmədilər, amma bundan təsəlli tapdılar,” dedi.
Pyesin ədəbiyyatdakı yeri, 1991-ci ildə rejissor və LGBT hüquqları fəalı Derek Yarman tərəfindən çəkilən film adaptasiyası ilə daha da möhkəmləndi. Yarmanın filmi, müasir və orta əsr dövrünə aid əşyaların, geyimlərin və arxa fonların məqsədli şəkildə birləşdirilməsi ilə diqqət çəkir, həmçinin Marlounun homoerotik meyillərini daha da vurğulayır. Hekayə, müasir LGBTQ+ hüquqları hərəkatı ilə əlaqələndirilərək yenidən şərh olunur. Gaveston (Andrew Tiernan tərəfindən canlandırılmış) cinsi pozuntularına görə işkəncə edilərkən, Jarman polis ilə “OutRage!” adlı LGBT hüquqları qrupunun etirazçıları arasındakı qarşıdurmaları təqdim edir.
Jarman’ın filmindən bir il əvvəl, Marlounun pyesi RSC tərəfindən Saymon Rassel Bilin baş rolunda olduğu tamaşada səhnəyə qoyuldu. Anjela K. Alqren 2011-ci ildə yayımlanan “Performing Queer Edward II in the 1990s” adlı məqaləsində Jarmanın filmi və bu RSC tamaşasının “1990-cı illərdə yayılan cinsi azlıqlara baxış bucağını əks etdirdiyini” vurğulayır, çünki bu tamaşalar zorakılığı, eyni cinsli arzuları və müasir gey siyasi məsələləri səhnələndirir. O dövrdə HIV/AIDS epidemiyası dünya üzrə homoseksual insanları ciddi şəkildə təsirləndirir və İngiltərədəki cinsi müxtəliflik mövzusunda mübarizə aparan insanları, məktəblərdə və yerli bələdiyyələrdə “homoseksuallığın təbliği”nin qadağan olunduğu 28-ci maddəyə qarşı etiraz edirdilər. Bu qanun, 1988-ci ildə Marqaret Tetçerin rəhbərlik etdiyi mühafizəkar hökumət tərəfindən, mətbuatda artan homoseksuallığa qarşı mübarizə əhval-ruhiyyəsi fonunda qəbul edilmişdi.
Fakt və fantaziya
Marlounun pyesi tarixi həqiqət kimi qəbul edilməməlidir. Tosh deyir ki, dramaturqun “əsas dramatik yeniliyi” ondan ibarətdir ki, o, kralın Gaveston ilə olan əlaqəsini həyatının “mərkəzi dramı”na çevirir,və bunu “zaman çərçivəsini daraldaraq”.edir.Əslində, II Edvard Geyvston öldürüldükdən sonra, 1312-ci ildə, 19 illik hökmranlığının yalnız beş ilini geridə qoyaraq digər nüfuzlu kişi sevgililəri ilə əlaqələr qurmuşdu. Lakin Marlou onun Geyvston ilə olan əlaqəsini ən emosional və vacib münasibət olaraq göstərir. Toş deyir ki, “Pyesdə Geyvstonun ölümündən sonra, Edvard onun xatirəsindən istifadə edərək etdiyi hərəkətlərə haqq qazandırmaga çalışır. Sonradan isə, Edvard həbs ediləndə və əzab çəkəndə, xilas olmaq üçün yenidən Geyvstonun adını çəkir.”
Əlbəttə, Marlounun pyesi həm də iki kişi arasındakı münasibətin mahiyyəti haqqında ciddi düşünməyə vadar edir. “Edward II: The Unconventional King” kitabının müəllifi,tarixçi Ketrin Uorner hesab edir ki, II Edvardın Geyvston və digər kişi sevgililərinə olan münasibətini tam olaraq anlamaq çətindir, çünki kralın gündəliyi və ya şəxsi məktubları yoxdur:
“Bizim yalnız xarici şahidlərin ifadələri var və bu ifadələri müxtəlif cür şərh edə bilərik.
Çox güman ki, II Edvardın naməlum qadından qeyri-qanuni uşagının olması, onun cinsi kimliyinin “homoseksual kral” olaraq tanınan imicindən daha qarışıq olduğunu göstərir. Düşünürəm ki, ona biseksual desək, daha uyğun olar. Amma emosional baxımdan, mənə elə gəlir ki, o, homoseksual idi, çünki kişi sevgililəri ilə çox yaxın münasibəti var idi”.
Onun tənəzzülünə demək olar ki, elə bu münasibət səbəb olub. Heyamın sözlərinə görə, Edvardın hakimiyyəti boyunca əsas səhvi sevgililərinə həddindən artıq çox güc verməsi idi:
“O, 14-cü əsrdə İngiltərənin kralı olmağın əslində bir idarəçi işinə bənzəmədiyi anladı,” deyirlər. “Edward bir çox güclü zadəganı razı salmalı idi, amma o, Geyvstona onlara hakim olmaq icazəsi verəndə bu, onları çox qəzəbləndirdi:
” 1312-ci ildə Geyvston bir qrup rəqib zadəgan tərəfindən qətlə yetiriləndən sonra, II Edvard eyni səhvi yenidən Hyuq Despenserlə etdi. Həmən Despenseri müəllif Edvardın “sonuncu və ən güclü” kişi sevgilisi olaraq təsvir edir.
Despenser, Marlounun “II Edvard ” pyesində “Spencer” adıyla epizodik obraz kimi iştirak edir və əsasən Geyvstonun ölümündən sonra onun yerini tutur.
Həqiqətdə isə, Despenser daha böyük bir nüfuza malik idi. Fransayla gərgin münasibətlərin artdığı 1324-cü ildə o, Fransız mənşəli Kraliça Izabellaya qarşı təsirini də artırmağa başladı. Izabella, sevgilisi Riçard Mortimerin dəstəyi ilə buna müqavimət göstərdi və nəticədə Despenser 1325-ci ildə edam edildi və II Edvard növbəti ildə taxtdan imtina etməyə məcbur oldu. Heyam bildirir ki, “Əgər o, şəxsi və ictimai həyatını ayrı tutsaydı, bəlkə də hər şey yaxşı olardı.”
Marlounun “II Edvard ” pyesində baş qəhrəmanın ölüm səhnəsi dramatik şəkildə təsvir edilir. Pyesdə II Edvardın ölümünün dəmir çubuqla həyata keçirilməsi səhnəsi Marlou tərəfindən təqdim edilmiş və sonradan geniş yayılmış bir təsvir olaraq qalır. Bu səhnə, dözümsüzlüyün və zorakılığın nəticələrini vurğulayan simvol kimi qalır.
Marlounun bu pyesi dözümsüzlüyün və zorakılığın nəticələrini dərindən araşdırır. II Edvardın Geyvston ilə olan münasibətinin mərkəzə qoyulması, şəxsi həyatın ictimai həyatla necə qarşılıqlı əlaqədə olduğunu və bunun nəticələrini göstərir. Pyes, dözümsüzlüyün və zorakılığın cəmiyyətə necə təsir etdiyini göstərən dərsdir.
Müəllif: Nik Levin
Mənbə: BBC
Azərbaycan dilinə tərcümə etdi: Mədinə Məmmədova
