Yaxın 1,5 il ərzində avro pul vahidi kimi yox ola bilər.
"BBC" agentliyinin verdiyi xəbərə görə, bu bəyanatla ABŞ-ın Avropa İttifaqında (Aİ) təyin edilməsi gözlənilən yeni səfiri, professor Ted Mallok (Ted Malloch) çıxış edib.
Səfir bildirib ki, B.Britaniya ABŞ-la yaxın 3 ay ərzində hər iki ölkəni "məmnun edəcək" ticarət anlaşması imzalaya bilər.
T.Mallok Britaniya üçün sərt "Brexit" qərarının daha əlverişli olacağını bildirib.
O, anlaşmanın ilkin variantının bu cümə günü, yanvarın 27-də Donald Tramp və Britaniyanın baş naziri Tereza Mey arasında imzalana biləcəyini qeyd edib.
Mallok bu il Niderland, Fransa və Almaniyada keçiriləcək seçkilərin nəticələrinin Aİ-yə ciddi zərər verəcəyini deyib:
"Şəxsən mən əmin deyiləm ki, Aİ mövcudluğunu davam etdirəcək. Buna görə də Aİ ilə ticarət danışıqlarına ehtiyac yoxdur".
