Çin şirkətləri Qətərdə keçiriləcək Dünya Kubokunda ən böyük sponsor hesab olunacaqlar.
Ednews Al-Jazeera-a istinadən xəbər verir ki, Çin brendləri kubokun turnirində Amerika şirkətləri - Coca-Cola, McDonald's və Budweiser kimi şirkətləri ötərək sponsorluqda yüksək pilləyə qalxıblar.
Londonda yerləşən analitik və konsaltinq şirkəti “GlobalData”-nın məlumatına görə, Çin şirkətlərinin bir neçə gün sonra keçiriləcək Dünya Kuboku yarışı üçün xərclədiyi vəsaitlər ABŞ şirkətlərinin 1,1 milyard dəyərində xərclərini ötüb.
Məlumata görə, Çin şirkətlərinin sponsorluğu illik olaraq 207 milyon dollar dəyərində qiymətləndirilir. Qətər və ABŞ-ın imzaladığı müqavilələr isə 134 milyon və 129 milyon dəyərində olduğu bildirilir.
2022-ci ilin Dünya Kubokunda iştirak edən Çinin dörd şirkəti - Wanda Group, Vivo, Mengniu Dairy və Hisense-nin dünya səviyyəsində aşağı nüfuza malik olsalar da, ölkəsində çoxmilyardlıq dollar dəyərində gəlirlərə və minlərlə işçiləri olan müəssisələrə sahibdirlər.
Sinqapurda brendinq üzrə ekspert və məsləhətçi Martin Roll Əl-Cəzirəyə açıqlamasına görə, Dünya Kuboku Çin şirkətlərinə həm ölkə daxilində, həm də xaricində Çin şirkətlərinə milyardlarla gəlirlər gətirir. Çünki Çinin özündə futbol oyunlarını izləyən geniş kütlə var.
Qeyd edək ki, Çinin yeddi şirkəti 2018-ci ildə keçirilən idman yarışlarında ABŞ və Rusiya brendlərindən qat-qat artıq olan 835 milyon dollar xərcləyib.
Çin şirkətləri bir çox idman yarışlarında da külli miqdarda vəsaitlər və sərmayelər xərcləyiblər.
Yunis Abdullayev