Qeyri-rəsmi informasiyalara görə dekabr ayında inflyasiya ən yüksək həddə yüksələcək. Maraqlıdır ki, inflyasiyanın qarşısını almaq üçün hansı tədbirlər görülməlidir?
“Azərbaycanda inflyasiyanın yüksək olması artıq rəsmi rəqəmlərdə də öz əksini tapır. Gələn il də inflyasiyanın iki rəqəmli olması ehtimalı kifayət qədər yüksəkdir”.
Bu barədə Ednews-a danışan iqtisadçı-ekspert Natiq Cəfərli bildirib.
“İnflyasiya ilə mübarizənin klassik üsulları var. Həm effektiv, həm də tez nəticə verən üsul Vergi və Gömrük siyasətinin dəyişdirilməsidir. Gömrük rüsumlarının və vergilərin azaldılmasıdır. Azərbaycan reallığında isə bu əlavə dəyər vergisinə aiddir. Çünki bizim hər birimiz əlavə dəyər vergisi ödəyicisiyik. Mağazadan ərzaq və hər hansı əşya alanda onun üzərində 18 % əlavə dəyər vergisi ödəyirik. Çünki bazarlıq etdiyimiz əsas mağazalar şəbəkə marketlərdir. Əhalinin 8%- də şəbəkə mağazalarından öz təlabatını ödəmək üçün istifadə edir”.
O, həmçinin qeyd edib ki, bunun ən effektiv yolu vergi və Gömrük siyasətinin yumşaldılması bu yolla qiymətlərin tənzimlənməsidir.
“Amma dayanıqlı yolla rəqabətli mühitin artırılması, istehsal sahələrinin genişləndirilməsi daha orta və uzun müddət üçün keçərlidir”.
Ayan Rzayeva