“Walt Disney”in baş icraçı direktoru Bob İger işçi qüvvəsinin təxminən 3 faizini təşkil edən 7,000 iş yerini ixtisar etməyi planlaşdırdığını açıqladı.
Ednews lenta.ru-ya istinadən xəbər verir ki, şirkətin direktoru bu üsulla növbəti bir neçə il ərzində 5,5 milyard dollara qənaət edəcəyini, yaradıcı məhsulu canlandıracağını bildirib.
İnvestorlar İgerin noyabr ayında gözlənilmədən yenidən baş icraçı direktor təyin olunmasından sonra şirkəti canlandırmaq üçün strateji planını açıqlayacağını gözləyirdilər. Açıqlamasında o, Disneyin yayımda "davamlı artım və gəlirliliyə" səbəb olacaq "əhəmiyyətli bir transformasiyaya başladığını" söyləyib.
Oğuz Ayvaz