“Kimsə bizim fəaliyyətimizi mikroskopla axtarır ki, bir nöqsan tapsın. Çalışırıq ki, qanunvericilik baxımından kimsə bizdə irad tuta bilməsin”.
Ednews xəbər verir ki, bunu Mərkəzi Seçki Komissiyasının sədri Məzahir Pənahov bu gün keçirilən media subyektlərinin Azərbaycan Respublikası Prezidenti seçkilərində fəaliyyətinin əsaslarına həsr olunan müşavirədə deyib.
O bildirib ki, Mərkəzi Seçki Komissiyası seçki məcəlləsi əsasında fəaliyyət göstərir:
"Hansısa dəyişiklik qəbul ediləndə bizim onu birbaşa təqdim etmək hüququmuz yoxdur".
Qeyd edək ki, Bərabər seçkiqabağı təşviqat imkanları və media subyektlərinin Azərbaycan Respublikası Prezidenti Seçkilərində fəaliyyətinin əsaslarına həsr edilən müşavirə Mərkəzi Seçki Komissiyası, Medianın İnkişafı Agentliyi, Audiovizual Şura və Mətbuat Şurasının birgə təşkilatçılığı ilə keçirilir.