BMT-nin baş katibi Antonio Quterreş Münhen Təhlükəsizlik Konfransında maliyyə arxitekturasının köhnə və qeyri-məhsuldar olduğunu bildirib. Təbii şəkildə dəyişən sistem müharibələrin çoxalmasına şərait yaradır. BMT bundan sonra hansı maliyyə sisteminə keçəcək?
Məsələni şərh edən macarıstanlı iqtisadi ekspert, professor Vasa Laszlo düşünür ki, Azərbaycan yeni iqtisadi layihələrdə mühüm yer tutacaq. O, bu barədə Ednews-a özəl müsahibəsi zamanı deyib.
“Təxmini 80 il bundan əvvəl yaradılmış dünya iqtisadi sistemi SSRİ-nin parçalanmasından sonra təkmərkəzli sistemə keçib. Günümüzdə nu vəziyyət yenə dəyişməlidir. 1990-cı illərdən bəri hökümətlərin müharibəyə asan şəkildə gedə bilməsi üçün iqtisadiyyat dövlətlərin bir-birindən asılılığı üzərində quruldu. Amma, son illərdə bu vəziyyət dəyişir, şirkətlər böyüyür və ölkələr individual fəaliyyət göstərməyə meyl edir. Asılılıq azaldıqca, dövlətlər arasında gərginlik artır”.
Ekspert qeyd edib ki, hazırda BMT bu nizamı bərpa etməyə, dövlətləri yenidən bir-birinə iqtisadi baxımdan bağlamağı öz öhdəliyinə götürüb. “Bu baxımdan BMT-nin yeni layihələrə başlaması anlaşılandır. Qeyd edim ki, Azərbaycanın öz ərazi bütövlüyünü bərpa etmiş bir dövlət kimi bu layihələrdə sözsüz ki, əhəmiyyətli yerdə olacaq. Münxendəki görüşdən sonra Azərbaycan və Ermənistan arasında müəyyən razılaşma əldə ediləcəyi gözlənilir”.
“Yeni dövrün tələbləri hansı növ iqtisadi sistemə uyğundur” sualına cavab olaraq siyasi analitik bildirib ki, öncəliklə dövlətlər qazanclarına diqqət ayırmalıdırlar.
“Əslində real addımlar atılmadan öncə dəqiq məlumat vermək çətindir. Amma bu gün biz görürük ki, dövlətlər nə istəyirsə, onu edir və bu onların etibarını sarsıdır. BMT-nin əsas məqsədi bu etibarı bərpa etməkdir. BMT buna inanır ki, əgər ölkələr təşkilatlar daxilində birgə fəaliyyət göstərsələr müəyyən qədər sülhü bərpa etmək olar. Bunun üçün təbii ki, dövlətlər öz iqtisadi maraqlarını prioritet elan etməlidirlər”.
Fərid