Pis əhval ruhiyyə orqanizmdəki vitamin çatışmazlığı ilə də bağlı ola bilər. Bəzən qanqaraçılığa heç bir səbəb olmasa da əhvalımızın yaxşı olmamasını müşahidə edirik.
Stress həyatımızın ayrılmaz hissəsidir. Şəhər həyatının təlaşında öz sakitliyini qoruyub saxlaya bilən az adam var. Yaşadığımız temp, eləcə də qeyri-adi vəziyyətlər stress yaradır. Bununla belə, lazımi vitaminləri və bioloji qida əlavələri qəbul etməklə əhvalınızı düzəltmək mümkündür.
Vitamin və mikroelementlərin olmaması əhval-ruhiyyəmizə mənfi təsir göstərir. Stressə qarşı və əhval-ruhiyəni yaxşılaşdırmaq üçün hansı vitaminləri qəbul etmək lazımdır.
Gün ərzində tez-tez əhvalınız dəyişirsə, laboratoriyada hemoglobin və ferritin səviyyələrini yoxlamağa dəyər. Orqanizmdə dəmir çatışmazlığı çox vaxt əsassız yorğunluq və apatiya şəklində özünü göstərir.
Vitamin D - Bədənimiz bu vitamini özbaşına istehsal edir. Onun səviyyəsi dəriyə düşən ultrabənövşəyi şüalardan təsirlənir. Ancaq soyuq mövsümdə günəşli günləraz olduğundan , bədənə kömək etmək lazımdır. Şübhəsiz ki, ilk növbədə onun səviyyəsini bilmək sonra isə həb və ya digər şəkildə qəbul etmək lazımdır.
Maqnezium - Sinir və ürək-damar sistemlərinin düzgün işləməsi üçün maqnezium həyati əhəmiyyət kəsb edir. Tablet şəklində qəbul edilə bilər, lakin Epsom duzu (Empsom maqnezium duzu) vannası qəbul etmək daha təsirli olur. İz elementi dəri vasitəsilə daha yaxşı əmilir. Vannaya 1 və ya 2 stəkan duz əlavə edin 15 dəqiqədən sonra vanna qəbul edin. Bunu həftədə bir neçə dəfə edin.
B vitaminləri. Onlar neyronların sağlamlığı üçün çox vacibdir və buna görə də yaxşı əhval-ruhiyyə yaradır.
Vitaminlər və pəhriz əlavələri ilə yanaşı, bioloji saatınıza hörmət etmək, yəni vaxtında yatmaq çox vacibdir. İdeal olaraq, axşam saat 22 və ya 23-də yuxuya getmək və ən azı 8 saat yatmaq lazımdır. Yüksək keyfiyyətli sağlam yuxu gün ərzində şənəhval ruhiyyənin, kifayət qədər enerjinin təminatıdır.
Yuxu ilə bağlı problemlər varsa, aşağıdakı üsullardan birini tətbiq edə bilərsiniz:
Gecə sakitləşdirici otlarla çay içmək (melissa, nanə, cökə, çobanyastığı);
Aroma lampası ilə rahatlayın;
Meditasiya musiqisinə qulaq asın.
Bədəninizi gün ərzində dəstəkləyin.
Yuxarıda göstərilən üsulların işləməsi və vitaminlərin faydalı olması üçün stresdən qurtulma üsulunu özünə nəzarətlə tamamlamalısınız. Gün ərzində güclü emosional yüklənməyə yol verməməyi, vaxtında "nəfəs alma çalıçmaları "etməyi və istirahət etməyi öyrənin.
Səhərə bir neçə dəqiqə meditasiya/dua/ilə başlayın. Həm də güzgüdəki əksinizə gülümsəyin;
Bir stəkan təmiz su için və yalnız bundan sonra səhər yeməyinə başlayın;
Günün daha hərəkətli olacağı gözlənilirsə, omeqa-3 əlavəsini içməyə dəyər. Sitrus və lavanda ilə aroma yağları da stressi azaltmağa kömək edir.
Əgər bütün bunlar əhval ruhiyyənizi düzəltmirsə mütəxəssisə müraciət edin.
Zinyət
