Çin həbs düşərgələrindəki 1 milyon uyğur türkünün sərbəst buraxıldığını iddia edir.

Şərqi Türküstan Milli Məclisinin sədri Seyit Tümtürk, "Eurasia Diary"ə uyğur türklərinin taleyi ilə bağlı açıqlama verib.

- Çinin həbs düşərgələrindəki 1 milyon uyğur türkünü sərbəst buraxması doğrudur?

- Çinin 1 milyona yaxın uyğur türkünü sərbəst buraxdığı deyilir. Ancaq bunun doğru və ya yalan olduğunu təsdiq edə bilmərik. Çünkü bəzi uyğurların sərbəst buraxıldığı barədə məlumatın olmasına baxmayaraq, həqiqiqətən həbs düşərgələrindən nə qədər uyğur türkünün sərbəst buraxılması məlum deyil. Neçə nəfər həbs olunmuşdu, neçə nəfər həbsxanada və düşərgələrdə saxlanılırdı? Əgər bunların sayını bilsəydik, onda sərbəst buraxılanların sayı barədə söz demək mümkün olardı.

Şərqi Türküstandaki həbs düşərgələrindən bəziləri-Reuters

2018-ci ilin sentyabrında Birləşmiş Millətlər Təşkilatı və Avropa Şurası Parlament Assambleyası Çinin 1 milyondan çox uyğur türkünü düşərgələrdə saxlayaraq işgəncə verdiyini, həmçinin bu düşərgələrin dərhal bağlanaraq uyğurların sərbəst buraxılmalı olduğunu bildirib.

Türkiyədə ana atasından, qohumlarından xəbər ala bilməyən minlərlə Şərqi Türküstanlı var. Belə olduqda, Çinin kimləri, hansı meyarlara uyğun olanları sərbəst buraxması məlumdur. Əldə etdiyim məlumata görə, xüsusilə xarici ölkədə qohumları olan uyğurlardan bəziləri həbs düşərgələrindən sərbəst buraxılıb. Xarici ölkələrdə qohumları olmayanları araşdırıb axtaran heç kesin olmamasına görə çox narahatıq. Başqa sözlə, xaricdə qohumu olmayanların taleyi haqqında məlumat almaq imkanımız yoxdur.

Şərqi Türküstan Milli Məclisinin sədri Seyit Tümtürk

Təbriz Abbasov