Dekabr ayında Venesuelada parlament seçkilərinin keçirilməsi planlaşdırılır. Seçki öncəsi ölkə başçısı Nikolas Maduro Avropa İttifaqını və Birləşmiş Millətlər Təşkilatını müşahidəçiləri göndərməyə dəvət edib.

Lakin Aİ və BMT seçkilərin şəffaflığına inam bəsləmədiyini bildirib və müşahidəçilər göndərməkdən imtina edib

Yaxın zamanlarda isə Maduro 100-ə yaxın siyasi məhbusun azadlığa çıxarılması ilə bağlı fərman verib. Bununla belə ABŞ tərəfindən dəstəklənən Xuan Quaydo tərəfdarları seçkini boykot edib.

Eurasia Diary seçki prosesi və ölkədəki vəziyyəti öyrənmək üçün Venesuelalı siyasi şərhçi Xose Şalhubdan (Jose Chalhoub) müsahibə alıb.

-  Əgər Maduro seçkiləri saxtalaşdıracaqsa, niyə BMT və Aİ müşahidəçilərini dəvət edir?

- ABŞ-ın Venezuela neftinə etdiyi sanksiyalardan və beynəlxalq cəmiyyətdən ard-arda gələn təzyiqlərdən sonra Maduronun özünə legitimlik qazanmağa ehtiyacı var. Buna görə də o, keçən həftə 100-ə yaxın müxalifətçi siyasi dustağı azad edəndən sonra özünü demokrat kimi seçkilərə inamlı olduğunu göstərərək düşünür ki, bununla Quaydo və müttəfiqləri tərəfindən idarə olunan radikalların strategiyasını yumşalda bilər. Buna görə də, Maduro  ABŞ və Kolumbiyadan fərqli olaraq ona qarşı ənənəvi olaraq daha yumşaq mövqe sərgiləyən Aİ və BMT-dən müşahidəçiləri dəvət edib.

Bununla o, Amerikan Dövlətləri Təşkilatını dəvət eməmişkən Aİ və BMT qarşısında seçkiləri legitimləşdirməyi arzulayır hansı ki, bu seçkilər ABŞ tərəfindən artıq saxta adlandırılıb.

- İnsanların seçkilərə münasibəti necədir? Onlar məntəqələrə gələcəklərmi?

- Hazırda əhali dövlətlə bir az nüfuzdan düşmüş Quaydo ilə birgə qeyri-sabit müxalifət arasındakı qarşıdurmalardan bezib. Eyni zamanda Maduro da korrupsiyoner kimi qəbul edilir və onun hakimiyyəti silahlı qüvvələrdən aldığı dəstəyə dayanır, həm seçki şurası saxtadı həm də parlament seçkiləri prezident seçkiləri kimi aktiv keçmir.

Bütün bu siyasi vəziyyətdən ümidsiz qalan xalqın da əhəmiyyətli dərəcədə iştirakı az olacaq ki, bu da hakimiyətin Parlamentdə nəzarəti ələ almasına uyğundur.

- İqtidar və müxalifət partiyalarının reytinqi necədir?

- Venesuelada hakim partiyanın korrupsiya və nepotizmdə ittiham olunmasından sonra bütün siyasi partiyalar etibarını itirib. Baxmayaraq ki, hakim partiyanın üzvlərinin sayı çoxdu artıq o, şəffaf qəbul edilmir. Müxalifətdəki köhnə ənənəvi partiyalar da etibarını itirmişkən, hakimiyyət onların Maduronu narahat edən rəhbərlərini əvəzləməyə başlayıb. Belə ki, siyasi partiyalar ordu və digər dövlət strukturları kimi xalq qarşısında etibarı zəifdi.

- Venesuelada mütəşəkkil müxalifət varmı?

- Xeyr, Venesuelada mütəşəkkil müxalifət yoxdur. Yalnız radikallar və nisbətən yumşaq qüvvələr var ki, onlar da bir-birləri ilə dərin münaqişə içindədir. Xuan Quaydonun timsalında Vaşinqtondan dəstəklənən qrup, ənənəvi partiyaların kiçik qrupu hansı ki, Bolivar üsyanında hakimiyyətə gəldiklərindən bəri heç bir ciddi siyasi dəyişikliyə gətirib çıxara bilmirlər və onlar ya hökumət tərəfindən hücuma məruz qalırlar ya da bir qismi mövqeyini dəyişir.

Müsahibəni götürdü: Ülvi Əhmədli