Eurasia Diary Ukraynalı sənətşünas, rəssam, Sənətşünas ekspertlər Məktəbinin qurucusu, Sənət Tənqidçiləri Birliyinin üzvü, Restovrator Yulia Tarasenko ilə eksklüziv video reportajı təqdim edir.

 

O, on iki dəfə Azərbaycanda səfərdə olduğunu bildirib. Rəssamlığa hüquq elmindən gələn Yuliya hər səfərində yeni tanışlıqların onda fərqli baxışlara yol açqığını və bu fikirləri də özü ilə Ukraynaya götürdüyünü deyir.

“Bu hekayələr bir xalq kimi sizin haqqınızda təsəvvür yaradır. Bu iki xalq arasında sülhməramlılıq kimidir. 

Mən sizin ölkədə tolerantlıq gördüm, təhlükəsiz yerdə olduğumu hiss etdim. Bakıda keçirilən, Bibliya süjetləri və Evangeliyaya həsr olunmuş bir mühazirəmdə ilk sırada hicablı bir qadın əyləşmişdi. Mövzu din kimi həssas mövzu olduğundan toxunaqlı bir fikir söyləyə biləcəyimdən ehtiyat edir və onun ikinci mühazirəyə gəlməyəcəyindən narahat idim. Lakin ertəsi gün onun yenə ilk sırada oturduğunu gördüm və sonda yaxınlaşıb mənə bir qutu uzatdı. Qutunu açanda bunun ipək mavi şal olduğunu gördüm”, deyə Yulia təsirlənmiş halda danışır.

Y. Tarasenko, hazırda məlumat toplayaraq incəsənətin əhəmiyyəti və təsirini araşdırdığını bildirib.

"İçəri Şəhərdə gəzərkən Əli Şəmsinin qalereyası ilə tanış oldum. İnanmazsınız, o içəridə ayaqyalın gəzirdi. Həmin vaxt mən dağ tematikası ilə maraqlanırdım. Ondan mənə master klass keçməsini xahiş etdim. Bura müxtəlif millətlərin nümayəndələri, uşaqdan-böyüyə hamı gəlirdi", Yulia həyəcanla təəssüratlarını bölüşdü.

Daha ətraflı videoda:

Müsahibəni aldı: Cəmilə Çebotareva

Tərcümə etdi: Gülnar Səlimova

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary