Bəzi erməni ekspertlər Zəngəzurun Ermənistanın nəzarətindən tamamilə çıxacağını düşünürlər. Hətta Ermənistanın baş naziri Paşinyan da açıqlamalarında bir-neçə dəfə bununla bağlı narahatlığını dilə gətirib. Maraqlıdır, gələcəkdə bu fikirlərin reallaşması mümkün ola bilərmi? Bu fürsət reallaşsa, regionda nə dəyişəcək?
Bununla bağlı qarşı tərəfdən ekspertlərin fikirlərini öyrənməyə çalışdıq.
Cənubi Qafqaz üzrə ekspert Arnold Stepanyan Ednews-a açıqlamasında qeyd etdi ki, Azərbaycan yaranmış vəziyyətdən maksimum yararlanmağa çalışsa da, bu məsələdə beynəlxalq ictimaiyyət və İran tərəfindən dəstək alan Ermənistanın Zəngəzur üzərində nəzarəti itirməsini birmənalı şəkildə təsəvvür etmək çətindir:
“Əlbəttə, Ermənistanda bu məsələ ilə bağlı narahatlıq var, çünki məsələ iqtisadi inkişafını təminatçılarından biri Zəngəzur dəhlizi(Sünik) vasitəsilə tranzit potensialı olan ölkənin gələcəyinə aiddir. Əks halda, Ermənistanın gələcək şansı olmayan ərik respublikasına çevrilməsi riski var”.
Ekspert hesab edir ki, Zəngəzur məsələsində Ermənistan üçün neqativ ssenari yaranarsa, regional dəyişikliklər həm Ermənistanın özü, həm də gələcəkdə Gürcüstan üçün fəlakətli olacaq:
“Regionun regional gücləri üçün təhlükəsizlik riskləri artacaq ki, bu da uzunmüddətli perspektivdə Cənubi Qafqazda təsir dairələrinin yenidən bölüşdürülməsi üçün onlar arasında böyük müharibəyə gətirib çıxara bilər”.
Ülviyyə Şahin
.jpg)
