Rusiyanın “Vaqner” özəl hərbi şirkətinin lideri Yevgeni Priqojin iyunun 24-də səhər saatlarında yayımlanan videoda Rusiyanın cənubundakı Rostov-na-Dondakı hərbi obyektlərə, o cümlədən Rusiyanın Cənub Hərbi Dairəsinin qərargahına və yaxınlıqdakı hərbi aerodromlara nəzarət etdiyini iddia etdi.
Priqojin bununla bağlı Telegram kanalları tərəfindən yayımlanan videomüraciətdə Rusiyanın Cənub Hərbi Dairəsinin qərargahının qarşısında dayanarkən göründü.
Priqojin həmçinin Rusiya Federasiyasının ən yüksək hərbi rəhbərliyinə çıxışı tələb edib və ya onun qüvvələrinin “Moskvaya gedəcəyi” ilə hədələyib.
Bütün bu baş verənlərdən sonra Vaqner qruplaşmaları ilə ordu arasında qarşıdurma yarandı.
Dünyanın bir çox yerindən olan ekspertlər Vaqner qruplaşmaları və Rusiya hökuməti arasında baş verən bu qarşıdurmaya dair müxtəlif şərhlər verdilər.
Dona Gracia Diplomatiya Mərkəzinin baş direktoru və siyasi analitik Reyçel Avraham Ednews-a deyib ki, o, baş verən qarşıdurmanın Rusiyanı içəridən parçalamaq və Putini devirmək üçün amansız mübarizə deyil:
“Mən düşünmürəm ki, bu, Ukrayna üçün mütləq faydalı bir qarşıdurma olacaq, çünki Putini devirmək alınmazsa, bu, Putinin Ukraynadan sonra daha da laqeyd qalmasına səbəb olacaq”.
Gürcü politoloq Zaal Anjaparidze hesab edir ki, ixtişaş həll olunandan sonra yanğın müəyyən qədər söndürülsə də, kömürlər yanmağa davam edəcək:
“Baş verən qarşıdurmanın arxasında kimin dayandığı zamanla bəlli olacaq. Əgər qiyam vətəndaş müharibəsinə çevrilərsə, bu hadisənin Qafqaza təsirindən danışmaq olar. Amma qarşıdurmanın vətəndaş müharibəsinə qədər gedib çıxacağından əmin deyiləm. İndi isə onu deyə bilərik ki, regionda proseslər həmişəki kimi davam edəcək”.
Ülviyyə Şahin
.jpg)
