“Vaqnerçilərin üsyanının Priqojin və Putin dramının son fəsli olduğunu düşünmürəm”.
Bu bəyanatla ABŞ dövlət katibi Blinken çıxış edib. Antoni Blinken, bu üsyanı Putinin nüfuzuna və Ukrayna müharibəsinə qarşı çağırış adlandırıb:
Tarixçi və siyasi analitik, Britaniya, Türkiyə və Cənubi Qafqazla bağlı kitabların müəllifi, doktor Patrik Uolş Ednews-a bildirib ki, Vaqner üsyanı Bayden administrasiyası üçün gözlənilməz bir bonus oldu və o vaxtdan bəri onun əhəmiyyətini artırdılar:
"Onların ümidi odur ki, Putinin hakimiyyətinə qarşı daha bir problem yaransın, çünki mahiyyət etibarı ilə Ukraynadakı müharibə Vaşinqton üçün Vladimir Putinin devrilməsidir. Makiavelli xüsusi orduya qarşı tövsiyələrinii verib, çünki onlar bacarıqsız və faydasız idilər, yox, əgər Osmanlı Yeniçəriləri kimi təsirli olsaydılar, dövlət üçün təhlükə yaradardılar. İndi Putin Ukraynadakı “Vaqner” qrupunun xidmətlərindən imtina etmək qərarına gəlib və Priqojini işdən çıxarıb, o, hadisə yerindən uzaqlaşdığı müddətcə ona azadlıq vəd verib”.
Uolş əlavə edib ki, Vilnüsdə ABŞ problem də üzə çıxıb:
“Onlar - NATO/Rusiya arasında tam qarşıdurma yaratmaq qorxusuna görə Kiyevi müharibənin qızışdırılması üçün silahla təmin etməyə hazırdırlar və eyni səbəbdən Ukraynanı NATO-ya qəbul etmək istəmirlər. Putin Xüsusi Hərbi Əməliyyatlaa ilk növbədə, Ukraynanı NATO-dan kənarda saxlamaq istəyir. ABŞ-ın məğlubiyyəti və Ukrayna əks-hücumunun Rusiya xəttini poza bilməməsi ilə Putinin düzgün hesablama apardığı görünür. Buna görə də Blinken Rusiyanın dağılması üzərində dayanıb. Vaşinqtonun yeganə ümidi budur”.
Onun sözlərinə görə, Gerasimovun Ukraynadakı Rusiya qoşunlarının komandanı vəzifəsindən azad edilməsi Priqojinin tələbi olub:
"Priqojin, Vaqnerə Rusiya Komandanlığı tərəfindən verilən missiya olan xətti tutmaqdansa, Baxmutu götürmək qərarına gəlib. Priqojinin şöhrət üçün getdiyi bu qərarı əhəmiyyətli dərəcədə aerokosmik və artilleriya resurslarını yayındırıb və Gerasimov və Şoyqunu qəzəbləndirib. Acı düşmənçilik yaranıb. Onlarla Priqojin arasında, komandanlığı Vaqnerə kifayət qədər dəstək verməməkdə günahlandırıb.
Lakin Putin Priqojinin Gerasimovun işdən çıxarılması ilə bağlı çağırışına boyun əyməmək üçün ehtiyatlı davranıb. Əgər Putin komandanlığı dəyişsə, bunu elə edəcək ki, bu, onun şərtlərinə uyğun olsun. Rusiya prezidenti Priqojin tərəfindən hədələnmmiş görünmək istəmədiyi üçün Gerasimov və Şoyqu yerində qalıb.
Vaqner indi bütün ağır silahlarını Rusiya Müdafiə Nazirliyinə təhvil verib”.
Ülviyyə Şahin
