“Erməni separatçıları hər fürsətdə rus sülhməramlıları ilə Azərbaycan tərəfi arasında süni konflikt yaratmaq istəyirlər”.
Bu sözləri  politoloq Tofiq Abbasov Ednews-a açıqlamasında söyləyib. Siyasi analitik bildirib ki, Qarabağda sülhməramlılara hücum birbaşa terror aktıdır.

“Bu məsələ ilə bağlı qəliz motivlər ortaya çıxıb. Uzun müddət idi ki, ermənilər Qarabağda yerləşdirilən rus sülhməramlıları ilə Azərbaycan tərəfi arasında çaxnaşma yaratmaq istəyirlər.

Bu boş planı separatçılar Avropa İtifaqının nümayəndələri üzərində də tətbiq etmək planlayırdılar.  

Bir sözlə süni şəkildə konflikt yaradaraq Azərbaycanı Aİ və ya Rusiya ilə üz-üzə qoymaq niyyətində idilər. Lakin bu proseslər baş vermirdi. İndiki məqamdada 8 rus sülhməramlısının həlak olması erməni təxribatının  nəticəsidir. İstər 3 il müddətində, istərsə də hazırda Azərbaycan ordusunun rusiya sülhməramlıları ilə heç bir problemi yoxdur.

Sentyabrın 19-u Azərbaycan Hökümətinin lokal anti-terror tədbirlərinin başlaması sepratçılar üçün yaşıl işıq oldu”.

Politoloq bildirir ki, məsələ ilə bağlı həm Rusiya, həm də Azərbaycan tərəfindən araşdırma aparılır. Əvvəlcədən dəqiq bir məlumat demək çətindir. Lakin ümumi prosesləri nəzərə alsaq, çox güman ki, Rusiya bu hadisənin məsuliyyətini ermənilərdə görür və bu onlara həqiqətən baha başa gələcək. 

Qeyd edək ki, sentyabrın 20-də Qarabağda Rusiya sülhməramlılarının olduğu avtomobil atəşə tutulub.
Hadisə sülhməramlılar Canyataq kəndi yaxınlığındakı müşahidə məntəqəsindən qayıdarkən baş verib.

Avtomobildə olan 8 hərbçi həlak olub.

Xəyal Ramiz