Bu günlərdə norveçli iş adamı, “Rofi” şirkətinin Sahə üzrə Satış Meneceri Roald Löseth Beynəlxalq Avrasiya Mətbuat Fondunun qonağı olub. BAMF-ın prezidenti Umud Mirzəyevlə görüşən cənab Löseth ikitərəfli fikir mübadiləsi aparıb.
Maraqlı keçən görüşdən sonra R.Löseth Ednews-a danışıb.
Söhbət zamanı maraqlı nüanslara toxunan iş adamı “Rofi” şirkəti haqqında da söz açıb.
Sözügedən müsahibəni təqdim edirik:
- Özünüz haqda məlumat verərdiniz.
-Adım Roald Lösethdir. Norveçin Molde şəhərində yaşayıram. “Rofi” şirkətinin Sahə üzrə Satış Meneceriyəm.
-İstərdim şirkətinizin fəaliyyət sahəsindən danışaq. Neçənci ildə yaranıb? Harada fəaliyyət göstərirsiz?
- Şirkətimiz Molde şəhərində fəaliyyət göstərir. Mina axtarma ilə əlaqədar çadır və qoruyucu avadanlıqlar istehsal edirik. Şirkət 1914 – cü ildə təsis edilib. Lakin 1985 – ci ildən etibarən minatəmizləmə avadanlıqlarının istehsalına başlayıb. İlk başlarda “Norveç Xalq Yardımı” humanitar təşkilatına, "Danimarka Məcburi Köçkünlər Şuras"ına daha sonralar isə "Beynəlxalq Qırmızı Xaç Cəmiyyəti"ni məhsullarımızla təmin etməyə başladıq və hələ də bu işə davam etməkdəyik.
-Xatırlayıram, 1994 – cü ildə Qarabağdakı fəaliyyətlərinizlə bağlı söhbət etmişdik. İstərdim onun haqqında ətraflı danışasız.
- 1994 – cü ildə mən, Norveç Qırmızı Xaç Cəmiyyətinin adından Azərbaycana səfər etdim. Bizim vəzifəmiz münaqişədən dolayı olaraq Qarabağdan qaçqın düşən şəxslərə yardım etmək və onları müvəqqəti sığınacaqla təmin etmək idi. Düşərgələrimiz Sabirabadda qurulmuşdu. Mən orada 4 həftə fəaliyyət göstərdim. Oradakı düşərgə rəhbərliyi ilə iş birliyi halında, 20 bağça və 2 min nəfəri sığıncaq ilə təmin etdik.
-O zamanlar gedən proseslərə və insanların düşdüyü çətin vəziyyətə canlı şahidlik edən bir şəxs kimi hadisələrə münasibətiniz necədir?
-Hadisələri görən bir şəxs olaraq, əlbəttə ki, deyə bilərəm ki, çox təəssüf hissi keçirirəm. Tez bir zamanda bunun bitməsini arzulayıram. Çox üzücü səhnələr idi. Bizə gələn həmin o, qaçqınlar çox ağır vəziyyətdə gəlirdilər. Onlar götürə bildiklərini götürüb sığınacaqlarımıza qaçmışdılar. Biz onları qəbul etdik, sığınacaqlarımızda qucaq açdıq və yardımla təmin etdik. Geri qalanını isə Azərbaycan Qızıl Aypara Cəmiyyəti həll etdi.
-BAMF ilə münasibətləriniz necə başladı və hazırda fəaliyyətləriniz hansı istiqamətdədir?
-BAMF ilə münaisibətlərimiz ötən il Bakıda minatəmizləmə ilə bağlı keçirilən beynəlxalq konfransda başladı. Ötən ilin noyabrında Azərbaycana Qarabağ ərazisində minatəmizləmə fəaliyyətlərinin hansı vəziyyətdə olduğunu qiymətləndirmək üçün səfər etmişdim. Hazırda isə minatəmizləyən insanları yeni qoruyucu geyim avadanlıqlarımızla təchiz etmək üçün buradayıq.
-Sizə işlərinizdə uğur arzulayıram.
-Təşəkkür edirəm.
Söhbətləşdi: Əkbər Novruz