Beynəlxalq Avrasiya Mətbuat Fondunun əməkdaşı, hollandiyalı yazıçı Henri van Rens Azərbaycan Uşaqlar Birliyinin Sığınacağına etdiyi ziyarət haqqında öz təəssüratlarını Ednews-a bölüşüb:

Müsahibəni təqdim edirik:

- Uşaqlar Evinə getməyinizlə bağlı başlayaq...

- Həm öz marağım var idi, həm də birliklə iqtisadi əməkdaşlıq etmək üçün getmişdim. 

- Ümumi təəssüratlarınız necə oldu? 

- Hazırda deyə bilərəm ki, ümumi təəssüratlarım çox yaxşıdır. Sədr Kəmalə Ağazadəyə məni qonaq etdiyi üçün təşəkkür edirəm. Kəmalə Ağazədənin ümumi fəaliyyətini yüksək qiymətləndirirəm. Hətta deyə bilərəm ki, ümumi tutumundan belə daha artıq uşağa qucaq açıblar.

- Təxmini neçə uşaq var sığınacaqda?

- 43 uşaq. 

- Həmin sığınacağın fəaliyyəti hansı vəziyyətdədir?

- Əminliklə söyləyə bilərəm ki, imkanları olsa bütün evsiz uşaqları həmin sığınacağda qucaq açmağa hazırdılar. Lakin təəssüf ki, belə şey mümkün deyil. Hər ay minlərlə manat pul xərclənir. Nə qədər istedadlı uşaqların əl işləri orada sərgilənir. Həmin uşaqlar təhsillə, yeməklə və qayğı ilə təmin olunurlar. Bu məni xoşbəxt edir.

- Müsahibədən əvvəl kitabınız haqqında bəhs etmişdiniz. Əgər mümkündürsə onunla bağlı məlumatlandırardınız.

- Hazırda Qarabağ münaqişəsinin son 35 illik tarixi ilə bağlı kitab hazırlayıram. Məqsədim ələxsus dünyanı və əsasən də öz xalqımı məlumatlandırmaq, onları informasiya qıtlığından qurtarmaqdır. Ümidim, kitab satışından əldə etdiyim gəlirin bir qismini müharibə qurbanlarının ailələrinə və digər kiçik bir qismini isə həmin sığınacağa verə bilməkdir. Çünki onların həqiqətən maliyyə dəstəyinə ehtiyacı var.

Söhbətləşdi: Əkbər Novruz