“BMT-nin Azərbaycanın Qarabağ bölgəsindəki müşahidəçilər missiyasının əsas hədəfi regiondan yalnız həqiqəti çatdırmaqdır”.
Bu sözləri Ednews – a açıqlamasında siyasi ekspert, Azərbaycan - ABŞ İqtisadiyyat və Təhsil Şurasının baş direktoru və təsisçisi, BAMF-ın ABŞ-dakı nümayəndəsi Piter Teys söyləyib.
Onun sözlərinə görə ikili standartlarla hesabat verilməməsinə diqqət edilməli və bütün reallıqlar çatdırılmalıdır:
“Prezident İlham Əliyevin rəhbərliyi ilə Azərbaycan Hökuməti hər zaman sülhsevər ruhlu və dövlət siyasətinin hər bir mərhələsində çoxtərəfli diplomatiyanı əhatə edən dövlət siyasəti ilə Birləşmiş Millətlər Təşkilatının ən etibarlı üzvü olmuşdur. Azərbaycan BMT-nin hər hansı digər üzv dövlətindən fərqli olaraq, öz ərazisində yaşayan müxtəlif etnik icmaların birgə yaşayışını təmin edən, möhtəşəm multikultural, multietnik qanunvericilik və milli yol xəritəsi formalaşdırmışdır. Azərbaycan Respublikası beynəlxalq təşkilatlar, o cümlədən BMT tərəfindən daha yaxşı münasibətə layiqdir; Regiondan ikili standartlarla hesabat vermək qəbuledilməzdir. Hər dəfə bu saxta hesabatlara və qiymətləndirmələrə məruz qalındığı zaman bu təcili olaraq qınanılmalıdır”.
Politoloq BMT eksperti Edem Vosornunun erməni təbliğatının tələsinə düşməkdən ehtiyatlı olmasını da vurğulayıb.
“Qeyd edək ki, bazar günü BMT-nin Qarabağa gələn missiyası son 30 ildə Azərbaycanın bu bölgəsinə səfər edən ilk beynəlxalq qurumdur. BMT ekspertləri hesabat verməkdə qərəzsiz olmalı və obyektivliyi qəbul etməlidirlər. Edem Vosornu separatçılar tərəfindən Azərbaycanın Qarabağında günahsız erməni mülki əhaliyə qarşı insan hüquqlarının pozulması ilə bağlı hərtərəfli araşdırma aparmalıdır. Xanım Edem Vosornu Ermənistan-Azərbaycan silahlı münaqişəsi ilə bağlı BMT Təhlükəsizlik Şurasının dörd Qətnaməsinə hörmət etməyə və onlara əməl etməyə borcludur. Həmçinin 30 ildən artıqdır ki, Ermənistan rejiminin həyata keçirdiyi, Naxçıvan əhalisinə qarşı aparılan iqtisadi blokadaya beynəlxalq aktorları inandırmalıdır. Xanım Vosornunun humanitar işlərdə təcrübəli olduğunu bilərək, media məlumatlarını mənimsəməkdə ehtiyatlı olmalı və erməni təbliğat maşınının tələsinə düşməkdən çəkinməlidir”.
Əkbər Novruz
