ABŞ dövlət katibi Entoni Blinken 8 gün ərzində 5 ölkənin rəhbərliyi ilə görüşüb.
İlk öncə o Fələstin rəhbəri Abbas və İsrail Müdafiə naziri, daha sonra İraq baş naziri ilə görüş baş tutub.
Ötən gün isə Ankaraya səfər edib. Qeyd edək ki, İraq və Türkiyə səfəri mediaya bildirilməyib.
ABŞ Dövlət Katibinin bu cür səfərləri baş verəcək böyük müharibənin siqnalı ola bilərmi yoxsa tam əksidirmi?
Məsələ ilə bağlı politoloq Elçin Abdullayev Ednews-a açıqlamasında qeyd edib ki, görüş regionda baş verəcək bütün prosesləri tənzimləyəcək gücdədir:
“Məlum olduğu kimi ABŞ Dövlət Katibinin 8 günlük Yaxın və Orta Şərqə səfər planlanıb. Səfər çərçivəsində o, Yaxın Şərqdəki görüşlərini başa vurmaq üzrədir.
Səfərin gedişatı və detalları ictimaiyyətə açıqlanmasa da görüş regionda baş verəcək bütün prosesləri tənzimləyəcək gücdədir.
Mən düşünmürəm ki, Entoni Blinkenin bu görüşünün əsas məğzi müharibəni daha da alovlandırmaqdır. Əksinə ABŞ özünü sülh qoruyucusu kimi göstərir.
Yaxın zamanda ABŞ-ın nüvə başlıqlı gəmisinin Aralıq dənizindən keçməsi və İsrailə böyük sferada hərbi yardımların göstərilməsi sadəcə özünü İsrailin qrantı kimi göstərmək mahiyyəti daşıyır. Bundan başqa ABŞ öz gücünü regional olaraq nümayiş etdirmək niyyətindədir. Yəni Qlobal Fövqəladə dövlət kimi bütün dünyada sülhü təmin etmək və təhlükəsizliyi qorumaq üçün ABŞ əsas ölkədir. Bildiyimiz kimi Netanyahu bəyan edib ki, əsir götürülən şəxslərin geri qaytarılması ən vacib nöqtədir və bu olmadığı təqdirdə müharibəni dayandırmaq mümkün olmayacaq. Buna görədə Antoni Blinkenin iri sferalı görüş çərçivəsində əsas olaraq həll edilməli tapşırığı bu idi”.
Politoloq əlavə olaraq münaqişə ilə bağlı əsas vacib şərtləri açıqlayıb:
“İlk olaraq İsrail-Fələstin münaqişəsinin qarşısını almaq və müharibənin regional məsələyə çevrilməsini önləmək.
Eyni zamanda hümanitar dəhlizin sistemli şəkildə bərpası üçün lazımi işləri görməkdir.
Əsas məsələ də bütün bu fəaliyyətləri tənzimləmək üçün qaranat ölkələrin formatıdır”.
Xəyal Ramiz