Şərqdə ilk radio olan Azərbaycan Radiosu ilk dəfə 6 noyabr 1926-cı ildə "Diqqət, danışır Bakı" sözləri ilə yayımlanıb. Həmin gündən ölkə paytaxtının küçələri və meydanlarında qurulmuş reproduktorlardan eşidilən qeybdən gələn səs insanları özünə bağlayıb. Bu Azərbaycan xalqının siyasi və mədəni həyatında böyük bir yenilik idi. Bu gün müstəqil radiomuzun 97 yaşı tamam olur. 
Bu əlamətdar tarix münasibəti ilə həmkarlarını təbrik edən Radio aparıcılarından biri də respublikanın əməkdar artisti, Azərbaycan radiosunun diktoru İradə Əliəkbər qızı olub. O, Ednews-a verdiyi açqlamada bunları bildirib:
“97 ildir ki, fəaliyyət göstərən Radionun  47 ilində mənim də əməyim var. Sevdiyim sənətin yaranma günüdür. Bu tarixi də sənəti də olduqca çox sevirəm. Radio ilə bağlı o qədər xoş xatirələrim varki, danışmaqla bitməz. Amma ən çox unutmadığım və mənə əziz olan  müqtədir diktorumuz Aydın Qaradağlı ilə  bərabər çalışdığımız illərdir. Onsuz  bizim bayramlarda TV radio ilə ayrılmır. Harda efir varsa, orda ekran da var. Ona görə də fürsətdən istifadə edib bütün həmkarlarımı təbrik edirəm, müvəfəqiyyətlər yaradıcılıq uğurları arzu edirəm”