Karantin rejimində virusla bağlı bəzi məhdudiyyətlər zaman-zaman aradan qaldırılsa da, quru sərhədlərlə bağlı verilən qərar 3 ildir dəyişmir. Dünya praktikasına baxsaq quru sərhədlərinin bağlanması müddəti nə qədər olması optimal hesab olunur? Sizcə artıq ölkəmiz üçün bu limit dolub?
Sərhədlərin bağlanması mikro iqtisadiyyata necə təsir edir? Sizcə yaxın müddətdə məsələnin həlli hökumətdə aktualdır?
Qonşu dövlətlərlə iqtisadi mübadiləyə bu necə təsir edir?
Məsələ ilə bağlı deputat Fazil Mustafa Ednews-a açıqlamasında vurğulayıb ki, sərhədlərin bağlanmasının iqtisadi və ya sosial problemlər yarada bilər lakin əsas məsələ bu deyil:
“Dünya praktikasını nəzərə alsaq ölkələrin fərqli sərhəd siyasətləri olduğuna görə müqayisə əsassız olacaq.
Sərhədlərin bağlı qalması ilə əlaqəli təbii ki, bəzi iqtisadi sıxıntılar var və bu proseslər ölkə iqtisadiyyatına ciddi şəkildə təsir edir. Ölkənin əsas prioritet maraqları əsasən təhlükəsizlik məsələsi üzərindədir.
Təhlükəsizliyin qorunması baxımından atılan addımlar iqtisadi cəhətdən ölçülə bilməz.
Çünki gələcəkdə elə bir vəziyyət yarana bilər ki, iqtisadiyyatın özü belə təhlükəsizlik sferasında doğan şərtlər altında korlana bilər.
Bu baxımından sərhədlərin bağlanmasını nəticəsində yaranan iqtisadi hesablamalar aparmağımız doğru deyil.
Quru sərhədlər əlbəttə açılacaq. Lakin hazır ki şərtlərdə, görünür hansısa ciddi bir təhlükəsizlik amilləri var ki, quru sərhədlər müddətli olaraq bağladılıb. Lakin fikrimcə, ictimaiyyətin bəzi xüsusi qrupları varki tələbə və xəstə insanlar üçün sərhəd keçid məntəqəsi istisnalı olaraq açılmalıdı”.
Deputat əlavə olaraq qeyd edir ki, bütövlükdə qonşu dövlətlərlə iqtisadi münasibətlər davam edir:
“Eyni zamanda qonşu dövlətlər olan yük daşımalarda və ticarət sahələrində hər hansısa bir problem yoxdur.
Sadəcə fərd olaraq vətəndaş nəqliyyatında sıxıntı var. Həmçinin bu da vətəndaşların təhlükəsizliyi baxımından nəzərdə tutulan tədbirlər olduğu guman olunur. Ümid edirəm məsələ yaxın zamanda öz həllini tapacaq”.
Xəyal Ramiz