"Dünya üzərində məskunlaşmış Qərbi Azərbaycanlıların sayı 5 milyondan çoxdur".
Bu sözləri Ednews - a müsahibəsində Qərbi Azərbaycanın ( indiki Ermənistan respublikası)
Vedi rayonu Qaralar kəndinin keçmiş sakini və Qərbi Azərbaycan İcmasının İdarə Heyətinin sədri, Milli Məclisin deputatı Əziz Ələkbərli söyləyib.
"Qərbi Azərbaycan İcması olaraq 1989 - cu ildən etibarən fəaliyyət göstəririk və keçmiş ərazilərimizin hər bir nöqtəsində, bütün sahələrdə araşdırmalar etmiş, əhalini siyahıya almışıq. Son araşdırmalarımıza da əsasən qeyd edə bilərəm ki,Dünya üzərində məskunlaşmış Qərbi Azərbaycanlıların sayı 5 milyondan çoxdur".
İcma sədri, müsahibəsində Qərbi azərbaycanlıların deportasiyası zamanı və öncəsi ermənilərin onlara qarşı törədilən vandalizm aktlarının hansı şəraitdə və necə yarandığını da açıqlayıb:
"1988 - ci ildə baş vermiş türk, Qərbi azərbaycanlı əhalinin ərazidən çıxarılması ilə bağlı planlar öncədən hazırlanmışdı. Ermənilər 80 - ci illərdən etibarən zəifləyən SSRİ hökümətinin vəziyyətindən istifadə edərək, həm Ermənistan, həm SSRİ, həm də xaricdə xalqımızın etnik təmizlənməsini artıq təmin etməklə bağlı güclü fəaliyyət keçdilər. 1988 - ci ilin oktyabr tarixlərinin sonlarında xalqımızın erməni təzyiqinə qarşı, ərazidə Azərbaycan xalqına muxtariyyət verilməsi ilə bağlı mitinqlər keçirildikdə, artıq deportasiya prosesinin başlanması rəsmiləşdirilmiş oldu. 24 noyabr tarixindən dekabr ayının sonuna qədər bütün əhalini məcburi köç etdirdilər. Bu sadəcə deportasiya deyildi, həm də bir soyqırım hadisəsi idi.
Xatırladaq ki, müsahibə Beynəlxalq Avrasiya Mətbuat Fondunun Azərbaycan Respublikası Qeyri-Hökümət Təşkilatlarına Dəstək Agentliyi ilə birlikdə həyata keçirtdiyi Qərbi Azərbaycanlıların Deportasiyasının virtual muzeyinin yaradılması ilə əlaqədar layihə çərçivəsində baş tutub.
Daha ətraflı video - reportajda:
Əkbər Novruz
